నగర వాసులకు బిగ్ అలర్ట్ .మహా నగరానికి ఒక రోజు తాగునీటిలో సరఫరాలో అంతరాయం ఉంటుందని జలమండలి తెలిపింది. సింగూరు ప్రాజెక్టులోని పెద్దాపూర్ పంప్ హౌజ్ దగ్గరున్న 132 కేవీ కంది-పెద్దాపూర్ ఫీడర్ లో tspdcl పలు కరెంట్ పనులు చేపట్టనున్న క్రమంలో ఫిబ్రవరి 22, 2024 తేదిన గురువారం ఉదయం 8 గంటల నుంది కొన్ని ప్రాంతాల్లో పాక్షికముగా,మరికొన్ని ప్రాంతాల్లో పూర్తిగా నీటి సరఫరాలో అంతరాయం ఏర్పడనుంది.
అంతరాయం ఏర్పడు ప్రాంతాలు:
ఓ అండ్ ఎం డివిజన్ – 6 : బంజారా, ఎర్రగడ్డ రిజర్వాయర్ల ప్రాంతాల్లో (పాక్షిక), బోరబండ రిజర్వాయర్ ప్రాంతాల్లో (పూర్తిగా).
ఓ అండ్ ఎం డివిజన్ – 3 : షేక్ పేట్ రిజర్వాయర్ (పూర్తిగా), భోజగుట్ట (పాక్షిక).
ఓ అండ్ ఎం డివిజన్ – 9 & 15 : లింగంపల్లి రిజర్వాయర్ ప్రాంతాల్లో, ఆన్ లైన్ సప్లయ్ (పూర్తిగా).
ఓ అండ్ ఎం డివిజన్ – 18 : ఖానాపూర్ గ్రావిటీ 1200 ఎంఎం మెయిన్ ఆన్ లైన్ సప్లయ్ ప్రాంతాలు (పూర్తిగా)
కావున పైన పేర్కొన్న ప్రాంతాల వినియోగదారులు నీటిని పొదుపుగా వినియోగించుకోవాలని ,పనులు పూర్తయిన వెంటనే నీటి సరఫరా యథాతథంగా కొనసాగుతుందని జలమండలి పేర్కొంది.
