జిలెటిన్ స్టిక్స్ బొలేరో వాహనంలో గనిలోకి తీసుకెళ్తుండగా ప్రమాదం జరిగిందని అనుమానిస్తున్నారు. పేలుడు దాటికి బొలేరో వాహనం గాల్లోకి ఎగిరిపడింది. దీంతో బొలేరో వాహనం కిందపడి నలుగురు మృతి చెందారు. ఈ మృతదేహాలను బయటకు తీసి మార్చురీకి తరలిస్తున్నారు. అయితే మృతుల సంఖ్యపై పోలీసులు, అధికారులు ఇంకా ధృవీకరించలేదు. ఘటనా స్థలాన్ని పరిశీలిస్తున్నారు. మరిన్ని విషయాలు దర్యాప్తులో బయటకు వచ్చే అవకాశం ఉంది.
ఈ ప్రమాదానికి గని యాజమాన్య నిర్లక్ష్యమే కారణమని బాధిత కుటుంబాలు అంటున్నారు. గనిలో తగిన రక్షణ చర్యలు తీసుకోకపోవడంతోనే ప్రమాదం జరిగిందని చెబుతున్నారు. తమకు న్యాయం చేయాలని, క్షతగ్రాతులకు మెరుగైన వైద్యం అందించాలని కోరుతున్నారు.
