మన హిందూ సంస్కృతిలో శంఖానికి ఎంతో పవిత్రమైన స్థానం ఉంది. లక్ష్మీదేవి పుట్టినప్పుడే సముద్ర మథనం నుంచి శంఖం కూడా పుట్టిందని పురాణాలు చెబుతాయి. అందుకే శంఖాన్ని లక్ష్మీదేవి సోదరుడిగా భావిస్తారు. కేవలం పూజలకే కాదు, ఇంట్లో శంఖ నాదం చేయడం వల్ల మన ఇల్లు, మన శరీరం ఎంతో పాజిటివ్గా మారుతాయి. అవేంటో ఒకసారి చూద్దాం.
నెగటివ్ ఎనర్జీ మాయం: ఇంట్లో శంఖం ఊదినప్పుడు వచ్చే ధ్వని తరంగాలు (sound waves) ఎంతో పవర్ఫుల్ గా ఉంటాయి. ఈ శబ్దం ఇల్లంతా వ్యాపించడం వల్ల ఇంట్లో ఉన్న నెగటివ్ ఎనర్జీ, దిష్టి, చెడు శక్తులు అన్నీ తొలగిపోతాయి. ఇక ఆ స్థానంలో అద్భుతమైన పాజిటివ్ వైబ్రేషన్స్ వచ్చి, ఇల్లంతా ప్రశాంతంగా, దైవచింతనతో నిండిపోతుంది.
లక్ష్మీదేవి అనుగ్రహం, సంపద: శంఖం ఎక్కడైతే పూజించబడుతుందో, ఎక్కడైతే నిత్యం శంఖ నాదం వినిపిస్తుందో అక్కడ లక్ష్మీదేవి స్థిరంగా నివాసం ఉంటుందని నమ్ముతారు. ఇక ఇంట్లో ఉన్న ఆర్థిక ఇబ్బందులు, గొడవలు తగ్గిపోయి ప్రశాంతత లభిస్తుంది. వాస్తు దోషాలు ఉన్నా సరే, శంఖం ఊదడం వల్ల ఆ దోషాల తీవ్రత చాలా వరకు తగ్గిపోతుందని పండితులు చెబుతుంటారు.
ఊపిరితిత్తులు గట్టిపడతాయి: శంఖం ఊదడం అనేది ఒక బెస్ట్ బ్రీతింగ్ ఎక్సర్సైజ్ లాంటిది. శంఖాన్ని గట్టిగా ఊదినప్పుడు మన ఊపిరితిత్తులు (lungs) పూర్తిగా విస్తరిస్తాయి. ఇక దీనివల్ల లంగ్స్ కెపాసిటీ పెరిగి, శ్వాసకోస సమస్యలు, ఆస్తమా వంటివి రాకుండా ఉంటాయి. రక్తం లోపల ఆక్సిజన్ లెవెల్స్ పెరిగి శరీరం రోజంతా యాక్టివ్గా ఉంటుంది.
గుండె ఆరోగ్యం మెరుగవుతుంది: శంఖం ఊదే సమయంలో మన శరీరంలో ఉన్న వాయు నాళాలపై ఒత్తిడి పడుతుంది. ఇది గుండె కండరాలను బలోపేతం చేయడానికి సహాయపడుతుంది. అంతేకాదు, శంఖం ఊదడం వల్ల ముఖంలో ఉన్న కండరాలకు మంచి వ్యాయామం దొరుకుతుంది. ఇక ఫేస్ లో బ్లడ్ సర్క్యులేషన్ పెరిగి ముఖంపై గ్లో వస్తుంది.
క్రిములు, బ్యాక్టీరియా నశిస్తాయి: శంఖ నాదం వల్ల వచ్చే వైబ్రేషన్స్ కేవలం మనుషులకే కాదు, చుట్టుపక్కల వాతావరణానికి కూడా మంచిది. ఇక ఆ ధ్వని తరంగాల వల్ల గాల్లో ఉండే హానికరమైన సూక్ష్మక్రిములు, బ్యాక్టీరియా చనిపోతాయని సైన్స్ కూడా చెబుతోంది. పూర్వకాలంలో కలరా, మలేరియా వంటి వ్యాధులు వ్యాపించకుండా ఉండటానికి కూడా ఊర్లలో శంఖాలు ఊదేవారట.
ఇక ఇంట్లో శంఖం ఊదడం అనేది ఒక అద్భుతమైన అలవాటు. ఇది మన ఇంటికి ఆధ్యాత్మిక శోభను ఇవ్వడమే కాకుండా, మనకు తెలియకుండానే ఎన్నో హెల్త్ బెనిఫిట్స్ అందిస్తుంది. కాబట్టి, సాధ్యమైనంత వరకు ఉదయం లేదా సాయంత్రం పూజ చేసే సమయంలో ఇంట్లో శంఖం ఊదడం అలవాటు చేసుకోండి.
గమనిక: శంఖం ఊదడానికి కొంత శారీరక శ్రమ, గాలిని గట్టిగా పీల్చి వదిలే శక్తి అవసరం. కాబట్టి హృదయ సంబంధిత సమస్యలు, తీవ్రమైన బీపీ లేదా హెర్నియా వంటి సమస్యలు ఉన్నవారు డాక్టర్ల సలహా లేకుండా శంఖం ఊదకపోవడం మంచిది.
