బ్ర‌హ్మాజీకి దిమ్మ‌దిరిగే షాకిచ్చారు!

హైద‌రాబాద్‌లో మునుపెన్న‌డూ కుర‌వ‌ని స్థాయిలో వ‌ర్షాలు కురిశాయి. దీంతో న‌గ‌ర వీధుల‌తో పాటు ఇళ్ల‌న్నీ జ‌ల‌మ‌య‌మ‌య్యాయి. కొన్ని ఏరియాల్లో వీధుల‌న్నీ న‌డుముల్లోతు నీళ్ల‌తో చెరువుల్నీ త‌ల‌పించాయి. నాలాల మ‌ధ్య ఇళ్లున్నాయా? లేక ఇళ్లే నాలాలో వుందా అన్న‌పట్టుగా ప‌రిస్థితి క‌నిపించింది. దీనిపై నె‌ట్టింట్లో నెటిజ‌న్స్ ఫ‌న్నీగా ఎమోజీల‌ని పోస్ట్ చేస్తూ ట్రోలింగ్ మొంద‌లుపెట్టారు.

అయితే త‌ను కూడా వెరైటీగా హైద‌రాబాద్ వ‌ర‌ద‌ల‌పై కామెడీ చేయాల‌నుకున్నాడు న‌టుడు బ్ర‌హ్మాజీ. ఇంకేముందు త‌న‌కు తోచిన‌ట్టుగా స్పందించి కామెడీ చేయాల‌నుకున్నాడు. త‌న ఇల్లు కూడా వ‌ర‌ద‌ల్లో మునిగిపోయింద‌ని, కార్లు వ‌ర‌ద‌లో తేలియాడుతున్నాయ‌ని ట్విట్ట‌ర్‌లో ఫొటోలు షేర్ చేసిన బ్ర‌హ్మాజీ `ఇదీ మా ఇంటి ప‌రిస్థితి. ఓ మోటారు బోటు కొనాల‌నుకుంటున్నా. ద‌య‌చేసి మీకు తెలిసిన మంచి స‌డ‌వ గురించి చెప్పండి` అని కామెడీ చేయ‌బోయాడు.

అడ్డంగా బుక్క‌య్యాడు. న‌గ‌రంలో ప‌రిస్థితి దారుణంగా వుంటే మీకు కామెడీ కావాల్సి వ‌చ్చిందా? ద‌ఇవిసీమ ఉప్పెన‌.. కేర‌ళ వ‌ర‌ద‌ల‌కు స‌హాయం చేసి న‌టీన‌టులు ముందు నిలిస్తే మీరు మాత్రం కామెడీ చేస్తారా అంటూ బ్ర‌హ్మాజీని నెటిజ‌న్స్ ఓ రేంజ్‌లో ఆడేసుకుంటున్నారు. భారీ స్థాయిలో బ్రాహ్మాజీని ట్రోల్ చేస్తున్నారు.