తెలంగాణ రాష్ట్రానికి చెందిన ఐసెట్ ఫలితాలను రేపు మధ్యాహ్నం గంటలకు విడుదల చేయనున్నట్లు తెలుస్తోంది. ఈ విషయాన్ని తెలంగాణ ఉన్నత విద్యామండలి చైర్మన్ లింబాద్రి అధికారిక ప్రకటన చేశారు. కాగా రాష్ట్రంలోని డిగ్రీ పూర్తి చేసిన విద్యార్థులు ఆ తర్వాత MBA మరియు MCA కోర్స్ లలో ప్రవేశాల కోసం ఈ పరీక్షలో ర్యాంకు తెచ్చుకోవాల్సి ఉంటుంది. అందుకోసం తెలంగాణ ఉన్నత విద్యామండలి ICET ప్రవేశ పరీక్షలను మే 26 మరియు 27 తేదీలలో నిర్వహించడం జరిగింది. ఈ ఫలితాల కోసం విద్యార్థులు అంతా దాదాపు నెల రోజుల నుండి ఎంతగానో ఎదురుచూస్తున్నారు. ఇన్ని రోజుల ఒత్తిడికి రేపటితో తెరపడనుంది, మరి ఎంతమంది ఉత్తీర్ణులు కానున్నారు అన్నది తెలియాలంటే రేపు మధ్యాహ్నం వరకు ఆగాల్సిందే.
