పెరూలో ఒక బస్సు పర్వత రహదారిపై నుండి లోయలో పడిపోవడంతో కనీసం 24 మంది మరణించారు. దేశంలోని దక్షిణ-మధ్య భాగంలోని అయాకుచో నుండి జునిన్ ప్రాంతం యొక్క రాజధాని హువాన్‌కాయోకు ఉత్తరం వైపు ప్రయాణిస్తుండగా, స్థానిక కాలమానం ప్రకారం సోమవారం తెల్లవారుజామున 1:30 గంటలకు ఈ దుర్ఘటన జరిగింది. బస్సు కనీసం 150 మీటర్లు కిందకు పడిపోయిందని ఆంకో జిల్లా మేయర్ మాన్యుల్ జెవాల్లోస్ పచెకో తెలిపారు. అయాకుచో ప్రాంతీయ ప్రభుత్వం హువాంటా సపోర్ట్ హాస్పిటల్‌లో గాయపడిన 11 మంది ప్రయాణికులకు చికిత్స చేసినట్లు నివేదించింది. పెరూ యొక్క రవాణా అథారిటీ మృతులకు సంతాపాన్ని తెలియజేస్తూ సోమవారం ఒక ప్రకటన విడుదల చేసింది. ప్రమాద ఘటనపై దర్యాప్తు చేస్తామని తెలిపింది.
అదే సమయంలో, ఆరోగ్య మంత్రిత్వ శాఖ సోషల్ మీడియా ప్లాట్‌ఫామ్ ఎక్స్‌లో ఈ సంఘటన గురించి సమాచారాన్ని ఇచ్చింది. ఇప్పటి వరకు రోడ్డు ప్రమాదాల్లో ఇద్దరు చిన్నారులు సహా 24 మంది మృతి చెందారని తెలిపారు. ఈ ప్రమాదంలో దాదాపు 35 మంది గాయపడ్డారని, మృతుల సంఖ్య పెరిగే అవకాశముందని పోలీసులు తెలిపారు. గత నెలలో ఇదే ప్రాంతంలో జరిగిన ప్రమాదంలో 13 మంది మృతి చెందగా, ఐదుగురు తీవ్రంగా గాయపడ్డారు. పెరువియన్ హైవేల వెంట అతివేగం, అధ్వాన్నమైన రహదారి పరిస్థితులు, సంకేతాలు లేకపోవడం, ట్రాఫిక్ నియమాలను సరిగ్గా అమలు చేయకపోవడం వల్ల తరచుగా ప్రమాదాలు జరుగుతాయి. ప్రపంచ ఆరోగ్య సంస్థ అంచనా ప్రకారం.. 2019లో పెరూలో 4,414 రోడ్డు ప్రమాదంలో ప్రాణాలు కోల్పోయారు.
