మాటల మాంత్రికుడు త్రివిక్రమ్ శ్రీనివాస్ దర్శకత్వంలో, స్టైలిష్ స్టార్ అల్లు అర్జున్ హీరోగా వస్తున్న చిత్రం అల వైకుంఠపురంలో. హారిక అండ్ హాసిని బ్యానర్ పై అల్లు అరవింద్, ఎస్ రాధాకృష్ణ నిర్మిస్తున్న ఈ సినిమా సంక్రాంతి కానుకగా వచ్చే నెల 12 న విడుదల చేయనున్నారు. పూజా హెగ్డే హీరోయిన్ గా నటిస్తున్న ఈ సినిమాకు యువ సంగీత దర్శకుడు తమన్ సంగీతం అందిస్తున్న సంగతి తెలిసిందే.
అల్లు అర్జున్, త్రివిక్రమ్ కాంబినేషన్ లో వస్తున్న మూడో సినిమా కావడం, అంతకు ముందు వీళ్ళ కాంబినేషన్ లో వచ్చిన రెండు సినిమాలు జులాయి, సన్ ఆఫ్ సత్యమూర్తి సినిమాలు మంచి విజయాలను సాధించడంతో అభిమానుల్లో భారీ అంచనాలు నెలకొన్నాయి. ఇక ఈ సినిమా షూటింగ్ ప్రస్తుతం తుది దశలో ఉంది. కీలక సన్నివేశాల చిత్రీకరణ జరుగుతున్నట్టు సమాచారం.
డబ్బింగ్ పనులను కూడా చిత్ర యూనిట్ మొదలుపెట్టింది. ఇప్పటికే ఈ సినిమాలో రెండు పాటలను చిత్ర యూనిట్ విడుదల చేసింది. సామజవరగమనా, రాములో రాములా, ఓఎంజీ డాడీ పాటలకు మంచి స్పందన వచ్చింది. ప్రధానంగా సామజవరగమనా, రాములో రాములా పాటలు సోషల్ మీడియాను ఊపెస్తున్నాయి. దాదాపు రెండు పాటలు కూడా పది కోట్లకు పైగా వ్యూస్ సాధించాయి.
ఈ సినిమాలో నాలుగో పాటను నేడు విడుదల చేసింది చిత్ర యూనిట్. బుట్ట బొమ్మ పేరుతో ఈ పాటను విడుదల చేసిన ఈ పాట ప్రేక్షకులను ఆకట్టుకుంది. వాస్తవానికి ఈ నెల 18 నే విడుదల అవుతుందని చిత్ర నిర్మాతలు ప్రకటించినా కొన్ని కారణాలన వలన అది ఆలస్యమవుతు వచ్చింది. ఈ సినిమాలో నివేథా థామస్ కూడా నటిస్తుంది. సునీల్, నవదీప్, సుశాంత్ కూడా ఈ సినిమాలో కీలక పాత్రలు పోషిస్తున్నారు.
