మంచిర్యాల జిల్లాలో ఘోర రోడ్డుప్రమాదం చోటుచేసుకుంది. శుక్రవారం ఉదయం వేగంగా వచ్చిన కారు అదుపుతప్పి పాదాచారులపైకి దూసుకెళ్లింది. ఈ ఘటనలో ఒకరు మృతి చెందగా, పలువురికి గాయాలయ్యాయి. స్థానికుల కథనం ప్రకారం.. జిల్లాలోని వెంకట్రావుపేట గ్రామానికి చెందిన కొందరు ఉదయం రోడ్డు పక్కన వాకింగ్ చేసుకుంటూ వెళ్తున్నారు.
ఈ క్రమంలోనే వెనుక నుంచి అతివేగంగా వచ్చిన కారు అదుపుతప్పి వారి మీదకు దూసుకెళ్లింది. ఈ ప్రమాదంలో ఒకరు స్పాడ్ డెడ్ అవ్వగా.. పలువురికి గాయాలైనట్లు తెలుస్తోంది.గాయపడిన వారిని వెంటనే స్థానిక ఆస్పత్రికి తరలించి చికిత్స అందిస్తున్నారు. విషయం తెలుసుకున్న పోలీసులు ప్రమాదం జరిగిన ప్రాంతాన్ని పరిశీలించారు. డ్రైవర్ అజాగ్రత్త వల్లే ప్రమాదం జరిగిందని ప్రాథమికంగా నిర్దారించారు.ఈ మేరకు కేసు నమోదు చేసి దర్యాప్తు చేస్తున్నట్లు తెలిపారు. కాగా, మృతుడి, గాయపడిన వారి వివరాలు తెలియాల్సి ఉంది.
