తూర్పు లడఖ్‌ లోని చుషుల్ సెక్టార్‌ లోని గురుంగ్ కొండ సమీపంలో భారత్ అదుపులోకి తీసుకున్న చైనా సైనికుడిని వెంటనే తిరిగి రప్పించాలని చైనా కోరింది. శనివారం చైనా సైనికుడు చీకటి మరియు సంక్లిష్టమైన భౌగోళికం కారణంగా దారితప్పినట్లు పేర్కొంది. “చీకటి మరియు సంక్లిష్టమైన భౌగోళికం కారణంగా, చైనా పీపుల్స్ లిబరేషన్ ఆర్మీ (పిఎల్ఎ) సరిహద్దు రక్షణ దళానికి చెందిన సైనికుడు శుక్రవారం తెల్లవారుజామున చైనా-ఇండియా సరిహద్దులో దారితప్పారు…
పిఎల్ఎ సరిహద్దు రక్షణ దళం భారత్ కు సమాచారాన్ని అందించింది. అతన్ని తాము రక్షించడానికి ప్రయత్నం చేస్తున్నామని చైనా ఆర్మీ పేర్కొంది. చైనా సైనికుడు తప్పిపోయిన దాదాపు రెండు గంటల తర్వాత అతన్ని పట్టుకున్నట్లు భారత్ ధృవీకరించింది. “ఉన్నతాధికారి నుండి సూచనలు అందుకున్న తరువాత చైనా సైనికుడిని చైనాకు తిరిగి ఇస్తామని భారత్ కూడా తెలిపింది.
చైనా సైనికుడిని చైనాకు వెంటనే తిరిగి ఇవ్వాలని సరిహద్దు ప్రాంతంలో శాంతి మరియు ప్రశాంతతను సంయుక్తంగా కొనసాగించాలని చైనా అధికారులు తెలిపారు. అధికారిక ప్రకటనలో, భారత సైన్యం… “పిఎల్ఎ సైనికుడు ఎల్ఐసి అంతటా తిరుగుతూ కనిపించాడు. ఈ ప్రాంతంలో మోహరించిన భారత దళాలు అదుపులోకి తీసుకున్నాయి” అని చెప్పారు. చైనా సైనికుడి విషయంలో విధానాల ప్రకారం వ్యవహరిస్తున్నట్లు సైన్యం తెలిపింది.
