నేటితరం (Gen Z) యువత రూట్ మార్చింది! అందం అంటే కేవలం మేకప్, బ్రాండెడ్ దుస్తులు, పర్ఫెక్ట్ లుక్స్ మాత్రమే కాదని ఫిక్స్ అయిపోయారు. బాహ్య రూపం కంటే తమపై తమకుండే ‘ఆత్మవిశ్వాసమే’ అసలైన ఆకర్షణ అని నమ్ముతున్నారు. సోషల్ మీడియా ఫిల్టర్ల వెనుక దాక్కోకుండా తమ రియల్ పర్సనాలిటీని చూపిస్తూ ట్రెండ్ సెట్ చేస్తున్నారు. మరి ఈ జనరేషన్ ఆలోచనల్లో వచ్చిన ఆ క్రేజీ మార్పులేంటో ఓసారి చూసేద్దామా..
బాహ్య సౌందర్యానికి మించి: ఇప్పుడున్న యువత కేవలం పైన కనిపించే రంగు, రూపురేఖలకు మాత్రమే ఇంపార్టెన్స్ ఇవ్వడం లేదు. తమదైన పర్సనల్ స్టైల్, నలుగురిలో ప్రత్యేకంగా నిలిచే నైపుణ్యాలకే ఎక్కువ ప్రాధాన్యత ఇస్తున్నారు. నిజమైన అందం అనేది మన ఆలోచనల్లో మాట్లాడే విధానంలో మనల్ని మనం సమాజంలో ఎలా ప్రెజెంట్ చేసుకుంటున్నాం అనే దానిలోనే ఉంటుందని గట్టిగా నమ్ముతున్నారు.
సలాడ్ కెరియర్ ఆలోచన: ఈ తరం యువత ఒక్క జాబ్కే పరిమితం కావడం లేదు. ఒకవైపు సాఫ్ట్వేర్ ఉద్యోగం చేస్తూనే.. వీకెండ్స్లో తమకు నచ్చిన ఆర్ట్, డ్యాన్స్, లేదా కంటెంట్ క్రియేటర్గా మారుతున్నారు. ఇలా రకరకాల నైపుణ్యాలను పెంచుకుంటూ మల్టీ టాస్కింగ్ చేస్తూ తమలో దాగున్న ఆత్మవిశ్వాసాన్ని డబుల్ చేసుకుంటున్నారు. దీనినే ‘సలాడ్ కెరియర్’ అని పిలుస్తున్నారు.
బాడీ పాజిటివిటీ: సోషల్ మీడియాలో ఎవరో పెట్టే విమర్శలను, బ్యూటీ స్టాండర్డ్స్ను వీరు అస్సలు పట్టించుకోవడం లేదు. రంగు, బరువు, రూపం ఎలాంటిదైనా సరే.. తమ శరీరాన్ని తాము ప్రేమించడం నేర్చుకున్నారు. ప్రతి ఒక్కరూ ప్రత్యేకమైనవారే అనే భావనను బలంగా నమ్ముతూ, ఇతరులకు కూడా అదే విషయాన్ని చాటి చెబుతున్నారు.
రియాలిటీకే ఓటు: ఇన్స్టాగ్రామ్, స్నాప్చాట్ ఫిల్టర్లతో ముఖాన్ని మార్చేసి ఫొటోలు పెట్టడం కంటే, తమ సహజమైన రూపాన్ని చూపించడానికే Gen Z ఇష్టపడుతోంది. ఇక ఆడంబరాల కంటే అథెంటిసిటీ ముఖ్యం అని భావిస్తున్నారు. ఈ రియలిస్టిక్ అప్రోచే వారిని అందరి కంటే భిన్నంగా, మరింత ఆకర్షణీయంగా మారుస్తోంది.
ఇక మొత్తానికి Gen Z యువత అందానికి కొత్త డెఫినేషన్ ఇస్తోంది. ముఖానికి వేసుకునే రంగుల కంటే, మనసులో ఉండే సానుకూల దృక్పథం, ముఖంలో కనిపించే ఆత్మవిశ్వాసమే మనల్ని అందంగా ఉంచుతాయని నిరూపిస్తున్నారు. ఈ మార్పు నిజంగా ఆహ్వానించదగ్గదే..
 యువత రూట్ మార్చింది! అందం అంటే కేవలం మేకప్, బ్రాండెడ్ దుస్తులు, పర్ఫెక్ట్ లుక్స్ మాత్రమే కాదని ఫిక్స్ అయిపోయారు.){kind=link}