ఏమీ మాట్లాడ‌కుండా ఉండ‌డం గ‌మ్మునుండ‌డం..గార‌డి చేయ‌డం గ‌డ‌బిడ చేయ‌డం అన్న‌వి పాల‌కుల‌కు అల‌వాటులో ఉన్న ప‌దాలు క‌నుక వాటిపై మ‌న‌కు మాట్లాడే హక్కే లేదు.దేశాన్నిపీడించే శ‌క్తుల‌కు విన్న‌పం ఒక‌టి చేస్తున్నాను. మీరు మారి ఈ దేశాన్ని మార్చ‌డం అన్న‌వి మొద‌లుపెట్టండి. ఇవి శ్ర‌ద్ధ‌గా చేయాల్సిన ప‌నులు.ప్రార్థ‌న‌తో మొద‌లిడి జాతీయ గీతం ఆలాప‌న వ‌ర‌కూ ఎవ‌రు పాడితే బాగుంటుంది..ఏ స్వ‌రం అయితే గొప్ప‌గా ఆలాప‌న చేస్తుంది అన్న సందేహాల‌తో కొట్టుమిట్టాడే దుష్ట రాజ‌కీయం ఉన్న వ‌ర‌కూ, ఉన్నంత వ‌ర‌కూ కూడా ద‌రిద్ర‌గొట్టు స‌మాజం నుంచి మ‌నం ఏ రూపంలోనూ మార్పును ఆశించ‌డం క‌ష్టం. క‌నుక మ‌నం భార‌తీయులం మ‌నం గొప్ప‌వారం మ‌నం భార‌తీయులం మ‌నం అత్యంత శ‌క్తిమంతులం అని చెప్పుకోవ‌డం ఒక్కటే మిగిలిన విధి. మితిమీరిన విశ్వాసం కూడా ఇదొక్క‌టే.. మ‌న‌సుల్లో కొన్నింటికి మాత్రం చోటిచ్చి కొన్నింటిని వ‌ద్ద‌నుకుని ప్ర‌యాణిస్తే భార‌తీయులు అన్న ప‌దానికి విస్తృతం అయిన అర్థం ఒక‌టి విన‌గ వ‌స్తుంది.అప్పుడు రాజ్యాంగ ప్ర‌సాదిత హ‌క్కుల ప్ర‌సారం సంభవిస్తుంది. వాటికో విలువ..మ‌న జీవితాల‌కూ ఓ విలువ.
మ‌హోన్న‌త శిఖ‌రం నుంచి దేశాన్ని చూడండి..శ్ర‌మ వేదం వినిపించిన చోటు నుంచి దేశాన్ని ప్రేమించండి..అవునో కాదో కానీ మనుషులకు సంస్కృతి నుంచి సంప‌న్న‌త వ‌ర‌కూ దేనిని ఎలా చూడాలో చేత‌గావ‌డం లేదు.దేశాన్ని పాలించే శ‌క్తులు ఇంకా వందేమాత‌రం ఎవ‌రితో పాడిస్తే బాగుంటుంది అన్న కుటిల నీతి మాత్రం అమ‌లు చేస్తున్నారు.కుటిలం కుతంత్రం అన్న‌వి దేశాన అమ‌లు అయిన చోట నుంచి మ‌నుషులు మ‌రింత చిన్న‌గా మారిపోతున్నారు. ఈ మ‌రుగుజ్జుత‌నం బుర్ర‌లేని త‌రం కార‌ణంగానే దేశం వెనుక‌బాటు లో ఉంది.
