కిడ్నీ ( kidneys )సమస్యలు రాకుండా జాగ్రత్త పడటం చాలా మంచిది. కిడ్నీలు శరీరం యొక్క అత్యంత సున్నితమైన అవయవం. పైగా ఇది చాలా ముఖ్యమైన అవయవం కూడా. కిడ్నీలకు ఎలాంటి వ్యాధులు రాకుండా డయాలసిస్ వరకు వెళ్లకుండా ఉండాలంటే కచ్చితంగా ఈ చిట్కాలను పాటించండి. మనం తీసుకునే ఆహార పదార్థాలు, జీవనశైలి కిడ్నీ వ్యాధుల ప్రమాదాన్ని పెంచుతుంది. కనుక సమస్యలు రాకుండా జాగ్రత్త గా ఉండాలంటే వీటిని తప్పక ఫాలో అవ్వండి.
కూరగాయలు, పండ్లు:
ఆహారంలో ఎక్కువగా పండ్లు, కూరగాయలు తీసుకోవడం వల్ల కిడ్నీ సమస్యలు రాకుండా జాగ్రత్త పడవచ్చు. అదేవిధంగా కిడ్న సమస్యలు ఉన్న వాళ్ళు పొటాషియమ్ తక్కువగా ఉండేట్టు చూసుకోండి. ముఖ్యంగా ఆపిల్, బొప్పాయి బాగా సహాయం చేస్తాయి.
బీపీ ఉన్నవాళ్లు జాగ్రత్తలు తీసుకోవాలి:
మీకు బీపీ ఉంటే రెగ్యులర్ గా బీపీని చెక్ చేయించుకోవాలి. అదేవిధంగా డాక్టర్ సలహాలు తీసుకుని మందులు వాడండి. దీనితో కిడ్నీ సమస్యలు రాకుండా ముందు నుండి జాగ్రత్త పడొచ్చు. అదే విధంగా డయాబెటిస్ ఉన్న రోగులకు ఈ మూత్రపిండాల సమస్యలు అధికంగా వస్తూ ఉంటాయి కాబట్టి వాళ్లు కూడా జాగ్రత్త పడటం మంచిది.
రెగ్యులర్ గా వ్యాయామం చేయండి:
వ్యాయామం ప్రతి ఒక్కరికీ చాలా ముఖ్యం. రెగ్యులర్ గా వ్యాయామం చేయడం వల్ల కొలెస్ట్రాల్, రక్తపోటు, ఊబకాయం వంటి సమస్యల నుండి దూరంగా ఉండొచ్చు. కిడ్నీ సమస్యలు రాకుండా కూడా వ్యాయామం సహాయపడుతుంది.
ఎక్కువ నీళ్ళు తీసుకోండి:
ప్రతి రోజూ ఎక్కువ నీళ్ళు, పండ్లరసాలు తీసుకోవడం వల్ల కిడ్నీలకు చాలా మేలు కలుగుతుంది ఎక్కువగా మూత్ర విసర్జన చేయడం వల్ల కిడ్నీలో సోడియం, యూరియా కంటెంట్ తగ్గుతుంది దీనితో కిడ్నీలో రాళ్లు కూడా ఏర్పడకుండా చూసుకోవచ్చు.
