సాధారణంగా మనం రాగి వస్తువులను ఎక్కువగా వాడుతూ ఉంటాము. రాగి పాత్రలు, రాగి గ్లాసులు ఇప్పుడు రాగి బాటిల్స్ కూడా వచ్చాయి. పూర్వికులు ఎక్కువగా రాగి సామాన్లను, ఉంగరాలను ధరించే వారు. అయితే రాగిని ధరించడం వల్ల ఎందుకు మంచి కలుగుతుంది అనే దాని గురించి ఇప్పుడు చూద్దాం. మరి ఇక ఆలస్యం ఎందుకు దాని కోసం చూసేయండి.
రాగి ఉంగరాలను, కడియాలు పూర్వం ధరించేవారు. అయితే వాటిని ధరించడం వల్ల ఏమవుతుంది అంటే.. మన భారత దేశం ఉష్ణ దేశం. కనుక చాలా చోట్ల వేడి చాలా ఎక్కువ ఉంటుంది. అందుకని రాగితో చేసిన వస్తువులు అంటే ఉంగరాలు, కడియాలు వంటివి ధరిస్తే శరీరానికి మేలు కలుగుతుంది.
సూర్య కిరణాల కారణంగా ఏర్పడే శరీర రుగ్మతలను అడ్డుకోవడంలో రాగి బాగా హెల్ప్ అవుతుంది. పైగా వీటిని ధరించడం వల్ల కండరాల నొప్పులు, కీళ్ల నొప్పులు కూడా తగ్గుతాయి. శరీరంలోని విష పదార్థాలను తొలగించడానికి కూడా రాగి సహాయ పడుతుంది.
హృదయ సంబంధిత సమస్యలు కూడా దరి చేరవు. జ్యోతిష్యులు అయితే రాగి వాటిని ధరించడం వల్ల మర్యాద పెరుగుతుందని.. సమాజంలో గౌరవం కలుగుతుందని అంటారు. ఇలా రాగి ఉంగరాలు, కడియాలు ధరిస్తే ఎంతో మంచిది.
