కార్తీక్ ఘట్టమనేని దర్శకత్వంలో మాస్ మహా రాజా రవితేజ హీరోగా నటిస్తున్నటువంటి తాజా చిత్రం ఈగల్. ఈ చిత్రంలో అనుపమ పరమేశ్వరన్ హీరోయిన్ గా నటిస్తుంది. కావ్య థాపర్ ,మధుబాల ,నవదీప్,అవసరాల శ్రీనివాస్ తదితరులు కీలకపాత్రలో నటిస్తున్నారు. ఫిబ్రవరి 9న ఈ సినిమా భారీ అంచనాలతో ప్రేక్షకుల ముందుకు రానుంది.
ఇదిలా ఉంటే…. తాజాగా ఈ చిత్రం నుంచి పద్ధతైన దాడి అంటూ రిలీజ్ ట్రైలర్ను మేకర్స్ విడుదల చేశారు. ‘అక్కడ పదేళ్ల నుంచి ఓ గాడ్జిల్లా ఉండాదిరా’ అనే డైలాగ్లు, రవితేజ మాస్లుక్ ఆకట్టుకుంటున్నాయి. ఇప్పటికే రిలీజ్ చేసిన సాంగ్స్, టీజర్, ట్రైలర్ చూసి ఈగల్ సినిమాపై భారీ అంచనాలు నెలకొన్నాయి. ఇందులో రవితేజ లుక్ అయితే చాలా కొత్తగా ఉంది. దీంతో మాస్ మహారాజ అభిమానులు ఈగల్ సినిమా కోసం ఆతృతగా ఎదురుచూస్తున్నారు.ఇక బడ సినిమాల నిర్మాతలు టికెట్లు రేట్లు పెంచుతూ ఉంటే ఈగల్ సినిమా మేకర్స్ మాత్రం టికెట్ రేట్లు పెంచకపోవడంతో రవితేజ అభిమానులు ఆనందం వ్యక్తం చేస్తున్నారు.
