ఈపీఎఫ్ఓ డిపాజిట్ లింక్డ్ స్కీమ్ గురించి తెలుసా..? రూ.7 లక్షల వరకు ప్రయోజనాలు పొందవచ్చు..

ఈపీఎఫ్ ఉద్యోగులకు శుభవార్త. జీతం పొందే ఉద్యోగుల కోసం విశ్వసనీయ పెట్టుబడి పథకం ఉంది. ఉద్యోగులు డిపాజిట్ లింక్డ్ ఇన్సూరెన్స్ (EDLI) పథకం కింద ప్రావిడెండ్ ఫండ్ ఆర్గనైజేషన్ ఖాతాదారులు అర్హుల కావచ్చు. ఎలాంటి ప్రీమియం చెల్లించకుండా.. రూ. 7 లక్షల వరకు జీవిత బీమా ప్రయోజనాలు పొందవచ్చు. బీమా ప్రయోజనాలే కాకుండా EDLI పథకం ఇతర ప్రయోజనాలను కూడా అందిస్తోంది. దీని కింది ఖాతాదారుడు మరణించిన సందర్భంతో అతని కుటుంబానికి లేదా వారసుడికి రూ. 7 లక్షల వరకు బీమా ప్రయోజనాలు పొందే అవకాశం ఉంది. గతంలో ఇది రూ. 6 లక్షల వరకే ఉండేది.. అయితే ఈ ఏడాది ఎప్రిల్ లో దీన్ని రూ. 7 లక్షలకు పెంచారు. ఉద్యోగి మరణానికి ముందు 12 నెలల్లో నిరంతర సేవలో ఉంటే మినిమం అష్యూర్డ్ బెన్ ఫిట్ కింద ఈ మొత్తం రూ. 2.5 లక్షలు పొందవచ్చు. దీనికోసం ప్రత్యేకంగా ప్రీమియం చెల్లించే అవసరం కూడా లేదు. EDLI స్కీమ్‌ని పొందేందుకు EPFO ​​ఖాతాదారులు విడిగా నమోదు చేసుకోవలసిన అవసరం లేదు. బదులుగా, వారు సభ్యులు అయిన తర్వాత దీనికి అర్హులు అవుతారు. ఈ ప్లాన్ కింద ప్రయోజనాలు నేరుగా నామినీ బ్యాంక్ ఖాతాకు లేదా ఉద్యోగి చట్టపరమైన వారసుడి ఖాతాకు లింక్ చేయబడతాయి.