జీవనశైలిలో మార్పులు సరైన సమయానికి భోజనం చేయకపోవడం మరెన్నో కారణాలవల్ల చాలామంది బరువు వేగంగా పెరిగిపోతున్నారు. అయితే బరువు అధికంగా పెరగడం వల్ల ఏ పని చేయలేకపోవడమే కాకుండా మరెన్నో అనారోగ్య సమస్యలకు కూడా గురి అవుతూ ఉండడం గమనార్హం. వయసుతో సంబంధం లేకుండా చిన్న పెద్ద ప్రతి ఒక్కరు కూడా అధిక బరువుతో ఇబ్బంది పడుతూ మరెన్నో సమస్యలను కొని తెచ్చుకుంటున్నారు. మరి అధిక బరువును దూరం చేయాలనుకుంటే మాత్రం కొన్ని రకాల జాగ్రత్తలు తీసుకోవాలి. ముఖ్యంగా యోగ, ఎక్సర్ సైజ్ , వాకింగ్ లాంటివి చేస్తూనే మరికొన్ని జాగ్రత్తలు తీసుకుంటే మీరు అధిక బరువును కూడా వేగంగా తగ్గించుకోవచ్చు.
ప్రతిరోజు వ్యాయామం చేయడం వల్ల బరువు తగ్గడమే కాకుండా పొట్ట చుట్టూ ఉన్న బెల్లీ ఫ్యాట్ ని కూడా తగ్గించుకోవచ్చు. అలాగే నడుము చుట్టూ ఉన్న అధిక కొవ్వును కూడా దూరం చేసుకోవడానికి వ్యాయామం అనేది చాలా చక్కగా పనిచేస్తుంది. ముఖ్యంగా శరీరంలోని అధిక కొవ్వు గుండె చుట్టూ పేరుకుపోవడం వల్ల గుండెపోటు, స్ట్రోక్ వంటి సమస్యలు వచ్చే అవకాశం ఉంది . కాబట్టి వ్యాయామం అనేదీ చాలా ముఖ్యం. ఇకపోతే వేగంగా బరువు తగ్గించుకోవాలంటే.. ప్రతిరోజు పెరుగు తినండి. పెరుగులో సంయోజిత లినోలెయిక్ ఆసిడ్ కొవ్వులు కరిగించడానికి సహాయపడుతుంది. ముఖ్యంగా పెరుగు లో ఉండే ప్రోబయోటిక్స్ బరువు తగ్గడానికి అవసరమైన ప్రయోజనకరమైన మంచి బ్యాక్టీరియాను పెంపొందిస్తుంది.
పెరుగులో ఉండే అమైనో ఆమ్లాలు, విటమిన్ డి, కాల్షియం కూడా కొవ్వును త్వరగా కరిగించడానికి సహాయపడతాయి. ఇక పెరుగుతోపాటు మీ ఆహారంలో దాల్చిన చెక్కను వేసుకోవాలి. దాల్చిన చెక్క తినడం వల్ల ఆకలిని తగ్గించడంతోపాటు రక్తంలో చక్కర స్థాయిని కూడా నియంత్రణలో ఉంచుతుంది. జీవక్రియ రేటు వృద్ధి చెంది ఉబకాయం వేగంగా నియంత్రించబడుతుంది. ఇక అవకాడో కూడా మీరు బరువు తగ్గడానికి సహాయపడుతుంది. ముఖ్యంగా ఈ పండు తినడం వల్ల త్వరగా ఆకలి వేయదు. పైగా శరీరంలో పేరుకుపోయిన చెడు కొలెస్ట్రాల్ ను కూడా నియంత్రిస్తుంది.
