అచ్చంపేట అసైన్డ్ భూముల వ్యవహారంలో ఈటలను టీఆర్ఎస్ నేతలు ఇంకా వదిలిపెట్టడంలేదు. ఈ ఇష్యూ తెరపైకి వచ్చినప్పుడు సైలెంట్‌గా ఉండి ఇప్పుడు ట్విస్టులు మీద ట్విస్టులు ఇస్తున్నారు. ఈటలకున్న మంత్రి పదవిపై వేటు వేశారు. అంతటి ఆగకుండా పార్టీ నుంచి కూడా బహిష్కరించాలని పట్టు బడుతున్నారు. ఈ లోపే ఈటల నియోజకవర్గం హుజూరాబాద్‌లో పట్టుకోసం ప్రయత్నాలు మమ్మురంగా చేస్తున్నారు. మంత్రి గంగుల కమలాకర్ నేతృత్వంలోని బృందం.. హుజురాబాద్ నియోజకవర్గం తమదేనని సంకేతాలు పంపుతున్నారు. నియోజకవర్గంలోని టీఆర్ఎస్ నేతలతో టచ్‌లో ఉంటూ ఈటల శ్రేణులు, అభిమానులనుపై దృష్టి పెట్టారు. టీఆర్ఎస్‌తో ఉండాలని లేదంటే కేసులు తప్పవని హెచ్చరిస్తున్నారని పలువురు ఆవేదన వ్యక్తం చేస్తున్నారు.
