రైలులో ఓ బాలికను బంధించి లైంగికంగా వేధించడంతో పాటు వీడియోలు తీసిన ఘటన ఆలస్యంగా వెలుగుచూసింది. ఈనెల 2న ఒడిస్సాకు చెందిన ఓ వ్యక్తి భార్య పిల్లలతో కలిసి రక్సెల్- సికింద్రాబాద్ ఎక్స్‌ప్రెస్‌లో వెళ్తుండగా.. అర్ధరాత్రి 2 గంటల ప్రాంతంలో వాష్ రూమ్‌కి వెళ్ళిన మైనర్ బాలికను బంధించిన ఓ వ్యక్తి లైంగికంగా వేధించాడు.
అనంతరం సెల్‌ఫోస్‌లో వీడియో చిత్రీకరించినట్లు సమాచారం.ఆ తర్వాత బాలికను వదిలిపెట్టడంతో అసలు విషయాన్ని తల్లిదండ్రులకు మైనర్ బాలిక చెప్పింది.దీంతో సదరు నిందితుడిని పట్టుకుని అతని ఫోన్ చెక్ చేయగా వీడియోలు బయటపడ్డాయి.
దీంతో రైల్వే టోల్ ఫ్రీ నెంబర్ 139కు ఫోన్ చేసి బాధిత మైనర్ ఫిర్యాదు చేసింది. గురువారం ఉదయం సికింద్రాబాద్‌కు చేరుకున్నాక పోలీసులకు బాలిక తండ్రి ఫిర్యాదు చేశాడు. ఈ ఘటన కెల్జార్ స్టేషన్ దాటుతున్న టైంలో జరిగినట్లు పేర్కొన్నాడు. దీంతో నిందితుడిపై ఫోక్సోతో పాటు పలు సెక్షన్ల కింద పోలీసులు కేసు నమోదు చేసి దర్యాప్తు చేస్తున్నారు.
