ఎంప్లాయీస్ ప్రావిడెంట్ ఫండ్ ఆర్గనైజేషన్ ఓ కీలక నిర్ణయాన్ని తీసుకుంది. 2022-23 ఆర్థిక సంవత్సరానికి వడ్డీ రేటును పెంచింది. ఇక దీని కోసం పూర్తి వివరాలని చూస్తే.. గత ఆర్థిక సంవత్సరంలో 8.10 వడ్డీ ని ఈపీఎఫ్ఓ ఇచ్చింది. 2022-23 ఆర్థిక సంవత్సరానికి 8.15 శాతం వడ్డీ రేటును ప్రకటించింది. 5 కోట్లకు పైగా ఈపీఎఫ్ ఖాతాదారులకు ఇది గుడ్ న్యూస్ అనే చెప్పాలి. 8.15 శాతం అంటే 5 బేసిస్ పాయింట్స్ ని ఈసారి పెంచింది.
గత రెండు రోజులుగా సెంట్రల్ బోర్డ్ ఆఫ్ ట్రస్టీస్ సమావేశం జరిగిన విషయం తెలిసిందే. ఇందులో ఈపీఎఫ్ వడ్డీరేటుపై కీలక నిర్ణయం తీసుకుంది. ఈపీఎఫ్ ఖాతాదారులు ఈ విషయం గురించి ఎప్పటి నుండో ఎదురు చూస్తున్నారు. గత ఆర్థిక సంవత్సరానికి అతి తక్కువగా 8.1 శాతం వడ్డీ ని ఇచ్చిన విషయం తెలిసిందే. 2022-23 ఆర్థిక సంవత్సరానికి వడ్డీ ఇంకా తక్కువగా ఉండొచ్చని అంచనా వేశారు.
వడ్డీ రేటు దాదాపు 8 శాతానికి తగ్గిస్తారని అనుకున్నారు. కానీ 5 బేసిస్ పాయింట్స్ వడ్డీ రేటు పెంచారు. ఈపీఎఫ్ఓ వడ్డీ ని కనుక తగ్గిస్తే ఈపీఎఫ్ ఖాతాదారులకు కంట్రిబ్యూషన్‌ పై వచ్చే వడ్డీ కూడా తగ్గుతుంది. కేంద్ర ఆర్థిక మంత్రిత్వ శాఖ ఆమోదం తెలిపిన తర్వాతే ఈపీఎఫ్ ఖాతాదారుల అకౌంట్లలో వడ్డీ పడుతుంది.
