గుప్పెడంతమనసు ఈరోజు ఎపిసోడ్ లో వసూ రోమియో జూలియట్ బుక్ చదవలేదు అనేసరికి గౌతమ్ ఇక చెప్పటం మొదలుపెడతాడు.ఇంతలో రిషీ నోర్మూస్తావా అంటే.. గౌతమ్ టైం వేస్ట్ కాకుండా..వసుధారకు నేను చెప్తున్నానురా అంటాడు. రిషీ వసుధార నువ్వెళ్లు అని పంపించేస్తాడు. అంతే గౌతమ్ పిలుస్తాన్నా వసూ వినకుండా వెళ్లిపోతుంది. ఇది కరెక్ట్ కాదు రిషిని అంటాడు.. నువ్వు చేసేది కరెక్ట్ కాదని నేను అంటున్నా అని రిప్లై ఇస్తాడు రిషి. అసలు నువ్వు నాకెందుకు అడ్డుపడుతున్నావని అడుగుతాడు గౌతమ్. నువ్వు వెళ్లేదారి కరెక్ట్ కాదని రిషి అంటే..నువ్వు నా పాలిట విలన్ లా తయారవుతున్నావ్ అంటాడు గౌతమ్.వసూ బ్రిలియంట్ స్టూడెంట్..నేను ఒక లెక్చరర్ గా..తన గురించి ఆలోచించాలి..నీ ఫ్రెండ్ గా నీ గురించి ఆలోచించాలి అంటాడు రిషీ. వసు గురించి నా గురించి ఆలోచించు అడ్డుపడకు అని గౌతమ్ అంటాడు. నువ్వు చేసే ప్రయత్నాలు తప్పు , నీ దారి తప్పు అని రిషి అనగానే.. నువ్వేమైనా అని డౌట్ గా అడుగుతాడు గౌతమ్..రిషీ ఛ ఛా అలాంటిదేం లేదు అంటాడు రిషీ. నువ్వు నీ లిమిట్స్ క్రాస్ అయితే నేను కూడా నా లిమిట్స్ క్రాస్ అవుతా చూసుకో అంటాడు. గౌతమ్ తు కోపం వస్తుంది. రిషీ కాఫీకి తీసుకెళ్తాడు.
అంకుల్ బయటకు వెళుతున్నారా అంటూ మహేంద్రని అడిగిన గౌతమ్..లిఫ్ట్ కావాలంటాడు. ఎక్కడికి వెళ్లాలి అని అడిగితే ఓ ఇంపార్టెంట్ ప్లేస్ కి అని చెబుతాడు గౌతమ్. మహేంద్ర దానికొకపేరు..స్ట్రీట్ నెంబర్ అలాఏవో ఉంటాయి కదా అని మహేంద్ర అంటే.. కొన్ని పనులు చెబితే అవవు అంటారు కదా అందుకే ఇప్పుడు చెప్పలేనని అంటాడు గౌతమ్.. సరే అంటాడు మహేంద్ర..మరి నన్ను దీవించారా అని గౌతమ్ అంటే.. నీ కోరికలో న్యాయం ఉంటే..విజయం నీదే అవుతుంది అంటాడు మహేంద్ర. ఇద్దరూ కలసి కార్లో వెళతారు. గౌతమ్.. తండ్రి-కొడుక్కి అభిప్రాయబేధాలు వస్తుంటాయి.., నువ్వు ఇలా ఉండు, ఇలా చేయి అని ఫోర్స్ చేస్తుంటారు.. మీరిద్దరికీ ఎలా కుదిరింది అని అడుగుతాడు గౌతమ్. రిషి పై మీకెప్పుడూ కోపం రాలేదా అంటే..నాపై నాకు కోపం వస్తుంది కానీ రిషిపై కోపం రాదంటాడు. మీరు జోవియల్ -రిషి సీరియస్..మీరు అందరితో కలసిపోతారు-రిషి వాడి సొమ్మేదో తిన్నట్టు సీరియస్ గా మొఖం పెడతాడు. వాడు జోక్ వేయడు-మనం జోక్ వేసినా నవ్వడు…రిషి అలా ఉంటే ఎలా నచ్చుతుంది అని అడుగుతాడు గౌతమ్. మహేంద్ర ఒక ఉదాహరణ చెప్పి.. తను తనలా ఉంటేనే బావుంటుంది.. రిషి నాకు కొడుకు మాత్రమే కాదు నా హీరో ..నువ్వు చెప్పినవన్నీ చిన్న చిన్న కారణాలు.. కానీ లక్షల మందిలో లేని క్వాలిటీస్ వాడిలో ఉన్నాయి…రిషి విషయంలో నేను గర్వంగా ఫీలవుతా, ఒక తండ్రి ప్రేమ తెలుసుకోవాలి అంటే..ఆ మనిషి తండ్రి అయినప్పుడై తెలుస్తుంది..నువ్వు ఎక్కడ దిగాలో చెప్తే కారు ఆపుతాను అంటాడు మహేంద్ర. గౌతమ్ వసుధార ఇంటి దగ్గర దింపమని అడగలేను అనుకుని..ఇక్కడే పక్కన ఆపండి అంటాడు.
రేపటి ఎపిసోడ్ లో
అంకుల్ మీరేంటి ఇక్కడకు వచ్చారను..ఇంతకు ముందు కూడా కనిపించారు అంటాడు.. గౌతమ్. అంతా ఒకరి ముఖాలు ఒకరు చూసుకుంటారు. మరో సీన్ లో రిషి కోపం బావుంటుందా-సహనం బావుంటుందా అని అడిగిన జగతికి.. సహనం బావుంటుందని సమాధానం ఇస్తుంది. కానీ నాకు రిషి కోపం బావుంటుందనుకుంటా అంటుంది జగతి. మీకు ఎప్పటికి నేను రక్షణగా ఉంటాను..మిమ్మల్ని ఎవరైనా ఒక మాటన అనాలంటే..నన్ను దాటి వెళ్లాల్సిందే అని తండ్రికి చెప్తాడు రిషీ. చూడబోతే..రేపటి ఎపిసోడ్ లో ఏమోషనల్ కంటెంట్ ఉండేలా ఉంది.
-Triveni Buskarowthu
