లగ్జరీ బైక్లు అనగానే భారత్లో ఎక్కువగా గుర్తొచ్చే పేరు హార్లీ డేవిడ్సన్. అంతలా దేశీయ మార్కెట్లో పేరు తెచ్చుకున్న హార్లీ ఇప్పుడు షాకింగ్ నిర్ణయం తీసుకున్నట్లు తెలుస్తోంది. కరోనాతో విధించిన లాక్డౌన్ సహా.. డిమాండ్ లేమితో ఇటీవల బైక్ల విక్రయాలు రికార్డు స్థాయిలో పడిపోయాయి. ఈ నేపథ్యంలో భారత కార్యకలాపాల నుంచి వైదొలగాలని హార్లీ డేవిడ్సన్ భావిస్తున్నట్లు సమాచారం. భవిష్యత్ అంచనాలు కూడా ఆశించినంతగా లేకపోవడం ఇందుకు కారణమనే వార్తలు వస్తున్నాయి.
Harley Davidson
కంపెనీకి హరియాణాలో ఉన్న ప్లాంట్ను మూసేసి.. ఔట్ సోర్సింగ్కు అసెంబ్లింగ్ విభాగ కార్యకాలాపాలు అప్పగించాలని యోచిస్తున్నట్లు తెలిసింది.హార్లీ డేవిడ్సన్ గత ఆర్థిక సంవత్సరం దేశీయంగా 2,500కు పైగా బైక్లను విక్రయించింది. ఈ ఆర్థిక సంవత్సరం విషయానికొస్తే.. ఏప్రిల్-జూన్ మధ్య 100 బైక్లు మాత్రమే విక్రయించింది.ప్రపంచవ్యాప్తంగా అత్యంత తక్కువగా విక్రయాలు ఉన్న మార్కెట్లలో భారత్ కుడా ఒకటని హార్లీ గతంలోనే ప్రకటించింది. అలాంటి మార్కెట్ల నుంచి వైదొలగాలని యోచిస్తున్నట్లు కూడా అప్పట్లో సంకేతాలు ఇచ్చింది.
