జిహెచ్ఎంసి ఎన్నికల నేపథ్యంలో ప్రచారం గడువు రేపు సాయంత్రం ఐదు గంటలతో ముగియనుంది అన్న విషయం తెలిసిందే ఈ క్రమంలోనే రేపు సాయంత్రం ఆరు గంటల నుంచి డిసెంబర్ ఒకటో తేదీ సాయంత్రం 6 గంటల వరకు కూడా గ్రేటర్ పరిధిలోని అన్ని మద్యం దుకాణాలను మూసివేసేందుకు ఇప్పటికే ఆదేశాలు జారీ చేసింది తెలంగాణ ఎన్నికల సంఘం. ఈ క్రమంలోనే ప్రస్తుతం ఏ మద్యం షాపు వద్ద చూసిన భారీగా బారులు తీరిన మందుబాబులు కనిపిస్తున్నారు.
ఎందుకంటే రెండు రోజుల పాటు మద్యం షాపులు పూర్తిగా మూతపడనున్న నేపథ్యంలో ప్రస్తుతం ముందే కొంత మద్యాన్ని తీసుకొని పెట్టుకోవాలి అనే ఆలోచనతో ప్రస్తుతం ఎంతోమంది మందుబాబులు మద్యం షాపుల వరకు బారులు తీరుతున్నారు. రేపు సాయంత్రం ఆరు గంటల నుంచి మద్యం షాపులు మూతపడడంతో ప్రస్తుతం ఎక్కడ చూసినా మద్యం షాపులు బారులు తీరిన మందు బాబులతో దర్శనమిస్తున్నాయి.
