బోర్డర్ గవాస్కర్ టోర్నీలో ఆస్ట్రేలియా వర్సెస్ ఇండియా మధ్య హోరాహోరీ పోరు నడుస్తున్నది. పెర్త్ వేదికగా సాగుతున్న తొలి టెస్టులో ఇప్పటికే ఫస్ట్ ఇన్నింగ్స్ ముగియగా..ఇండియా 46 పరుగుల ఆధిక్యంలో కొనసాగుతోంది. సెకండ్ ఇన్నింగ్సులో భారీ పరుగులు రాబడితే కానీ టీమిండియా విజయం సాధించడం సాధ్యం కాదు. ఇక ఈ సిరీస్‌లో భారత జట్టులో బుమ్రా, కోహ్లీ, రాహుల్ మినహా అంతా కుర్రాళ్లే ఉన్నారు.
ఇదిలాఉండగా, పెర్త్‌లో జరుగుతున్న భారత్, ఆసీస్ తొలి టెస్టులో టీమిండియా స్టార్ ప్లేయర్ విరాట్ కోహ్లీ భార్య అనుష్క శర్మ సందడి చేశారు. స్టాండ్స్‌లో నుంచి భారత జట్టుకు మద్దతిస్తూ కనిపించారు.దీనికి సంబంధించిన ఫొటోలు సోషల్ మీడియాలో వైరల్ అయ్యాయి. కాగా, తొలి ఇన్నింగులో విరాట్ కోహ్లీ 5 పరుగులకే వెనుదిరిగిన విషయం తెలిసిందే.
