ఆధార్‌ కార్డు ప్రతిఒక్కరికీ చాలా ముఖ్యం. ప్రభుత్వ పథకాలు పొందాలన్నా.. ఆధార్‌ తప్పనిసరి. అయితే, ఎప్పుడైనా ఆధార్‌ను తీసుకెళ్లడం మర్చిపోతే.. సాధారణంగా కొంతమంది ఆ 12 సంఖ్య యూఐఏఐడీ నంబర్‌ను గుర్తుంచుకోలేరు కూడా. ఇక కంగారు పడిపోయే పరిస్థతి ఏర్పడుతుంది. అరెరే నంబర్‌ అన్న గుర్తుంచుకోవాల్సిందని అప్పుడు అనిపిస్తుంది. అయితే.. ఈ కంగారు అవసరం లేదు. ఒకవేళ ఆధార్‌ నంబర్‌ మీకు అత్యవసరమైతే సులభంగా ఇలా చేస్తే సరిపోతుంది.
దీనికి మీ వద్ద స్మార్ట్‌ ఫోన్‌ ఉంటే చాలు. అందులో ఇంటర్నెట్‌ తప్పనిసరి. దీంతో నిమిషాల్లో ఆధార్‌ నంబర్‌ను తెలుసుకోవచ్చు. ఆ వివరాలు తెలుసుకుందాం. ముందుగా ఆధార్‌ నంబర్‌ మన మొబైల్‌ నంబర్‌తో లింక్‌ అయి ఉండాలి. అప్పడే ఆధార్‌ నంబర్‌ తెలుసుకోవడానికి వీలుపడుతుంది. మొదట మొబైల్‌లో నెట్‌ ఆన్‌ చేసి, గూగుల్‌ ఓపెన్‌ చేయాలి.
- అప్పడు యూఐడీఏఐ అధికారిక వెబ్‌సైట్‌ https://uidai.gov.in/ ఓపెన్‌ చేయాలి.
- యూఐడీఏఐ వెబ్‌సైట్‌ ఓపెన్‌ అయ్యాక ‘మై ఆధార్‌’ సెక్షన్‌ లోని ‘ఆధార్‌ సర్వీసెస్‌’లో ఉన్న ‘రిట్రైవ్‌ లాస్ట్‌ ఆర్‌ ఫర్గాటెన్‌ ఈఐడీ/యూఐడీ’ సెలెక్ట్‌ చేయాలి.
- అప్పుడు కొత్త పేజి ఓపెన్‌ అవుతుంది. అందులో ఆధార్‌ నంబర్‌ సెలెక్ట్‌ చేసుకోవాలి.
- ఆ తర్వాత మొబైల్‌ నంబర్‌ లేదా ఈ మెయిల్‌ ఐడీ ఎంటర్‌ చేయాలి . అనంతరం క్యాప్చా కోడ్‌ ఎంటర్‌ చేసి, ‘ సెండ్‌ ఓటీపీ’ పై క్లిక్‌ చేయాలి.
- మీ రిజిస్టర్డ్‌ మొబైల్‌ నంబర్‌కు ఆరు అంకెల ఓటీపీ వస్తుంది.
- ఆ ఓటీపీని ఎంటర్‌ చేసి లాగిన్‌ పై క్లిక్‌ చేయాలి. అంతే మీ ఆధార్‌ నంబర్‌కు సంబంధించి యూఐడీ నంబర్‌ మీకు కనిపిస్తుంది. ఇక ఎప్పుడైనా ఆధార్‌ కార్డు మరచిపోతే ఇలా తెలుసుకోండి.
