తెలంగాణ ప్రభుత్వం ప్రతిష్టాత్మకంగా తీసుకున్న గ్రామ, వార్డు సభలు రసాభాసగా కొనసాగుతున్నాయి. ప్రభుత్వ పథకాలు అన్నింటినీ కాంగ్రెస్ కార్యకర్తలకే కేటాయిస్తున్నారని రాష్ట్ర వ్యాప్తంగా ఆందోళనలు, నిరసనలు వ్యక్తం అవుతున్నాయి. ఓ వైపు తమకు ఇచ్చిన హామీలు ఏమయ్యాయని ప్రజలు అధికారులు, కాంగ్రెస్ నేతలను నిలదీస్తున్నారు. ఎమ్మెల్యేలను కూడా ప్రశ్నిస్తున్నారు. ఈ గందరగోళాల మధ్యే మూడో రోజు గ్రామ, వార్డు సభలు కొనసాగుతున్నాయి.
తాజాగా మంత్రి శ్రీధర్ బాబు నియోజకవర్గంలో ఇందిరమ్మ ఇల్లు ఇవ్వాలని ఓ దళితుడు ఎంపీడీవో కాళ్లు పట్టుకున్నాడు. అయితే, ఎక్కువ మాట్లాడుతున్నావ్ పోలీసులకు చెప్పి కేసు పెట్టిస్తా అని ఆ దళితుడిని అధికారులు భయపెట్టినట్లు తెలుస్తోంది.మంథని నియోజకవర్గంలోని కాటారం మండలం చిదినేపల్లి గ్రామ సభలో ఈ ఘటన వెలుగుచూసింది. ప్రజాపాలన అంటే ఇదేనా, అడిగితే కేసులు పెడుతామని భయపెట్టిస్తారా? అని గ్రామస్తుల ఆగ్రహం వ్యక్తం చేస్తున్నారు.
మంత్రి శ్రీధర్ బాబు నియోజకవర్గంలో ఇందిరమ్మ ఇల్లు ఇవ్వాలని ఎంపీడీవో కాళ్లు పట్టుకున్న దళితుడు
ఎక్కువ మాట్లాడుతున్నావ్ పోలీసులకు చెప్పి కేసు పెట్టిస్తా అని దళితుడిని భయపెట్టిన అధికారులు
మంథని నియోజకవర్గంలోని కాటారం మండల చిదినేపల్లి గ్రామ సభలో ఘటన
ప్రజా పాలన అంటే ఇదేనా, అడిగితే… pic.twitter.com/4YaZ5vFmPG
— Telugu Scribe (@TeluguScribe) January 23, 2025
