ఇండియన్ ప్రీమియర్ లీగ్ 17వ సీజన్లో భాగంగా ఈరోజు రాజస్థాన్ రాయల్స్, రాయల్ చాలెంజర్స్ బెంగళూరు జట్ల మధ్య 19వ మ్యాచ్ జరుగుతుంది. జైపూర్ వేదికగా జరుగుతున్న ఈ మ్యాచ్లో రాజస్థాన్ రాయల్స్ టాస్ గెలిచి ఫీల్డింగ్ ఎంచుకుంది. ఇక టాస్ ఓడి బ్యాటింగ్ దిగిన ఆర్సీబీ 20 ఓవర్లలో 3 వికెట్లు కోల్పోయి 183 పరుగులు చేసింది. రాయల్ చాలెంజర్స్ బెంగళూరు ఓపెనర్స్ కోహ్లీ , డుప్లేసిస్ లు తొలి వికెట్ కు 125 పరుగుల భాగస్వామ్యము నెలకొల్పారు.
ఆ తర్వాత డుప్లెసిస్ 44 రన్స్ చేసి అవుట్ అయ్యాడు. రాయల్ చాలెంజర్స్ బెంగళూరు ఓపెనర్స్ విరాట్ కోహ్లి 67 బంతుల్లో సెంచరీ చేశాడు. ఇందులో 4 సిక్సులు, 9 ఫోర్లు ఉన్నాయి. ఇక సెంచరీ అనంతరం 113 రన్స్ తో నాటౌట్ గా నిలిచాడు. ఇక ఐపీఎల్ లో కోహ్లికి ఇది ఎనిమిదో సెంచరీ కావడం విశేషం.ఇక ఈ ఏడాది ఐపీఎల్లో ఇదే తొలి సెంచరీ.ఇక మ్యాక్స్వెల్ 1, సౌరవ్ చౌహాన్ 9, కామెరూన్ గ్రీన్ 5* రన్స్ చేశారు. చాహల్ 2, బర్గర్ 1 వికెట్ తీశారు.
