నందమూరి నటసింహం, హిందూపురం ఎమ్మెల్యే బాలకృష్ణ ఏపీ అసెంబ్లీ సమావేశాలకు హాజరయ్యేందుకు గన్నవరం ఎయిర్ పోర్టుకు చేరుకున్నారు. మొన్నటివరకు హైదరాబాద్‌లో ‘అన్‌స్టాపబుల్’ షోకు సంబంధించి బిజీ షెడ్యూల్ కారణంగా ఆయన అసెంబ్లీకి హాజరు కాలేకపోయారు. తాజాగా హైదరాబాద్ నుంచి విమానంలో గన్నవరం చేరుకున్నారు.
అక్కడి నుంచి కారులో నేరుగా అసెంబ్లీకి వెళ్లనున్నారు. ఈ క్రమంలోనే మీడియాతో బాలయ్య మాట్లాడుతూ.. ‘వైసీపీ వాళ్లు అసెంబ్లీకి హాజరు కాకుండా మనుషులను పెట్టుకున్నారు. ఈరోజు కూడా వాళ్ళ అసెంబ్లీకి రాకుంటే బాగుంటుంది. షర్మిలపై అసత్య ప్రచారం చేసేదెవరు ప్రజలందరికీ తెలుసు. ఈ అసత్య ప్రచారాన్ని వాడు(జగన్) పట్టించుకోనప్పుడు నేను ఎందుకు పట్టించుకోవాలి’ అని వ్యాఖ్యానించారు.
