అల్లరి నరేష్ “ఇట్లు మారేడుమిల్లి ప్రజానీకం” ట్రైలర్ కు ముహుర్తం ఫిక్స్

నాంది తర్వాత అల్లరి నరేష్ నుంచి వస్తున్న మరో ఇంట్రెస్టింగ్ మూవీ ‘ఇట్లు మారేడుమిల్లి ప్రజానీకం’. నాంది సినిమా మంచి విజయాన్ని సాధించడమే కాదు నటుడిగా నరేష్ కు చాలా మంచి గుర్తింపుని తెచ్చిపెట్టింది. ఏఆర్ మోహన్ దర్శకత్వంలో రూపొందుతున్న ఈ మూవీలో అల్లరి నరేష్ సరసన ఆనంది హీరోయిన్ గా నటిస్తోంది.

ఇప్పటికే సినిమా నుండి ఫస్ట్ లుక్ ను అలాగే టీజర్ ను రిలీజ్ చేసిన సంగతి తెలిసిందే. అయితే.. తాజాగా ఈ సినిమా నుంచి మరో బిగ్ అప్డేట్‌ ను వదిలింది చిత్ర బృందం. ‘ఇట్లు మారేడుమిల్లి ప్రజానీకం’ ట్రైలర్‌ ను రేపు రిలీజ్‌ చేయనున్నట్లు అధికారికంగా ప్రకటించారు. అలాగే…మొదట నవంబర్ 11వ తేదీన ఈ సినిమాని విడుదల చేయాలని అనుకున్నారు. కానీ తాజాగా తమ నిర్ణయాన్ని మార్చుకున్నట్లు ప్రకటించారు. నవంబర్ 25వ తేదీన ఈ సినిమాని విడుదల చేయాలని నిర్ణయం తీసుకున్నారు.