తీవ్ర సంచలనం సృష్టించిన వికారాబాద్ జిల్లా లగచర్ల ఘటన అంశంలో మాజీ ఎమ్మెల్యే పట్నం నరేందర్ రెడ్డి దాఖలు చేసిన పిటిషన్ పై తీర్పును సోమవారం తెలంగాణ హైకోర్టు రిజర్వు చేసింది. లగచర్ల దాడి ఘటనలో బోంరాస్ పేట పోలీసులు 3 ఎఫ్ఎస్ఐఆర్ లు నమోదు చేశారు. ఒకే ఘటన పై వేర్వేరు కేసులు నమోదు చేయడాన్ని సవాలు చేస్తూ పట్నం నరేందర్ రెడ్డి హైకోర్టులో పిటిషన్ దాఖలు చేశారు.
రాజకీయ 80 కక్షలతోనే ఈ కేసులు నమోదు చేశారని ఒక దాని తర్వాత మరొకటిగా నుంచి బయటకు రాకుండా చేయాలనే కుట్ర చేస్తున్నారని ఆరోపించారు. ఒకే నేరం పై పలు ఎఫ్ఎస్ఐఆర్ లు నమోదు చేయరాదంటూ గతంలో కోర్టులు ఇచ్చిన తీర్పును ఈ సందర్భంగా పిటిషనర్ ప్రస్తావించారు. ఈ పిటిషన్ పై ఇవాళ న్యాయస్థానం విచారణ జరిపింది. ఈ సందర్భంగా ఒకే ఘటనపై వేర్వేరు కేసులు పెట్టవద్దని సుప్రీంకోర్టు తీర్పును పిటిషనర్ ప్రస్తావించగా దాడి ఆధారంగానే పోలీసులు వేర్వేరు కేసులు నమోదు చేశారని, కేసుల వివరాలను ఏఏజీ రజనీకాంత్ కోర్టుకు తెలిపారు. ఇరువైపుల వాదనలు ముగియడంతో న్యాయస్థానం తీర్పును రిజర్వ్ చేసింది.
