నేపాల్ దేశ మాజీ ప్రధాని, కమ్యునిస్టు పార్టీ ఆఫ్ నేపాల్(యూనిఫైడ్ మార్క్సిస్ట్ లెనినిస్ట్) ఛైర్మన్ మరోసారి వివాదాస్పద వ్యాఖ్యలు చేశారు. భారత భూభాగాలను స్వాధీనం చేసుకుంటామంటూ వ్యాఖ్యలు చేయడం మరోసారి ఆయన వైఖరిని బయటపెట్టింది. గతంలో కూడా చైనా ప్రోద్భలంతో భారత్ లోని భూభాగాలైన లిపులేఖ్, నింపియాధుర, కాలాపానీ ప్రాంతాలపై వివాదాస్పద వ్యాఖ్యలు చేశారు. ఈ భూభాగాలు నేపాల్ లో అంతర్భాగం అంటూ నానా రభస చేశారు కేపీ శర్మ ఓలి. గతంలో రాముడి జన్మస్థలం అయోధ్య కాదంటూ.. నేపాల్ లోనే రాముడు జన్మించాడని వ్యాఖ్యలు చేశారు.
తాజాగా మరోసారి ఈ భూభాగాలపై వ్యాఖ్యలు చేశారు. మేము అధికారంలోకి వచ్చిన వెంటనే లిపులేఖ్, లింపియాధుర, కాలాపానీలను స్వాధీనం చేసుకుంటామంటూ వివాదాస్పద వ్యాఖ్యలు చేశారు. చర్చల ద్వారా భారత్ నుంచి వెనక్కి తీసుకుంటాం. సమస్యలను చర్చలతోనే పరిష్కరిస్తాం తప్ప సరిహద్దు దేశాలతో శత్రుత్వాన్ని పెంచుకోం. వచ్చే ఏడాది జరగనున్న సాధారణ ఎన్నికల్లో అతిపెద్ద రాజకీయ శక్తిగా సీపీఎన్-(యూఎంఎల్)పార్టీ ఆవిర్భవిస్తుందని ఓలీ అన్నారు. కమ్యూనిష్టు పార్టీ ఆఫ్ నేపాల్ 10వ సాధారణ సమావేశంలో ఓలి ఈ వ్యాఖ్యలు చేశారు.
