రజనీకాంత్ కుమార్తె ఐశ్వర్య దర్శకత్వంలో తెరకెక్కిన చిత్రం లాల్ సలాం. విష్ణు విశాల్, విక్రమ్ సంతోష్ ప్రధాన పాత్రలో నటిస్తున్న ఈ సినిమాలో రజనీకాంత్ అతిధి పాత్రలో కనిపించనున్నారు. జైలర్ తో భారీ హిట్ అందుకున్న రజనీకాంత్.. లైకా ప్రొడక్షన్స్ నిర్మిస్తున్న లాల్ సలాం చిత్రంలో ప్రధాన పాత్రలో కనిపించనున్నారు. క్రికెట్ గేమ్ ఆధారంగా ఈ సినిమాను తెరకెక్కించనున్నట్టు సమాచారం. తాజాగా లాల్ సలాం టీజర్ ను మేకర్స్ విడుదల చేశారు. విడుదలైన కొద్ది సేపటికే మిలియన్స్ రావడం విశేషం.
జైలర్ మూవీతో సూపర్ హిట్ అందుకున్న రజనీకాంత్ ఈ సినిమాలో ముస్లిం నాయకుడిగా కనిపించనున్నాడు. క్రికెట్ తో మొదలైన గొడవలు సమాజంలో మతాల మధ్య చిచ్చుపెట్టే విధంగా ఎందుకు మారాయి అనేది ఈ సినిమా కథాంశం. టీజర్ లో రాజనీ సీరియస్ లుక్ లో కనిపించగా విష్ణు విషయాలు ఏదో గొడవలో చిక్కుకున్నట్టు తెలుస్తోంది. క్రికెట్ ఆటతో ముడిపడి ఉన్న ఓ యాక్షన్ కథాంశంతో రూపొందించిన చిత్రం లాల్ సలాం ఇందులో మోయుద్దిన్ భాయ్ అనే పాత్రలో రజనీకాంత్ చాలా పవర్ ఫుల్ గా కనిపించాడు వచ్చే ఏడాది సంక్రాంతికి లాల్ సలాం విడుదల కాబోతోంది.
