పుట్టగొడుగులతో అనేక వంటలు చేసుకోవచ్చు. చాలా మందికి పుట్టగొడుగులు తో చేసిన రెసిపీస్ అంటే చాలా ఇష్టం. అయితే కేవలం రుచికి మాత్రమే కాదు ఇవి ఆరోగ్యానికి కూడా చాలా మంచిది. శాఖాహారం అయినా ఈ పుట్టగొడుగుల్లో పోషకాలు సమృద్ధిగా ఉన్నాయి. మాంసాహారం కనుక మీరు తినక పోయినట్లయితే పుట్టగొడుగులు తప్పనిసరిగా మీరు మీ డైట్ లో తీసుకోండి. దీని వల్ల మీకు అనేక పోషకాలు ఎంతో సులువుగా వస్తాయి. అయితే పుట్టగొడుగుల వలన ఎటువంటి పోషకాలు లభిస్తాయి…?, దీని వల్ల మనకి ఎలాంటి బెనిఫిట్స్ కలుగుతాయి…? ఇలా అనేక విషయాలు మీ కోసం. ఇక ఆలస్యం ఎందుకు పూర్తిగా చూసేయండి.
మష్రూమ్స్ లో బీటా గ్లూకాన్ కూడా ఉంటుంది. అలానే కాంజుగేట్ లినోలిక్ ఆసిడ్ వంటివి ఉండడం వల్ల మహిళల్లో బ్రెస్ట్ క్యాన్సర్ రాకుండా ఉండడానికి సహాయపడుతుంది. షుగర్ తో సతమతమయ్యే వాళ్లు కూడా దీన్ని తీసుకోవచ్చు. దీనిలో కొలెస్ట్రాల్, కార్బోహైడ్రేట్స్ తక్కువగా ఉంటాయి మరియు ప్రోటీన్స్, శరీరానికి కావలసిన విటమిన్స్, మినరల్స్ అధికంగా ఉంటాయి. నీళ్లు, పీచు పదార్థాలు కూడా ఎక్కువగా ఉండడం వల్ల చక్కెర స్థాయిని అదుపులో చేయడానికి బాగా సహాయపడుతుంది. అధిక రక్తపోటును నియంత్రించడంలో తోడ్పడే పొటాషియం దీనిలో లభిస్తుంది. కండరాలు ఉత్తేజితం చేస్తుంది కూడా.
