సైకలాజికల్ త్రిల్లర్ మూవీగా ‘మసుద’ తెరకెక్కింది. శుభలేఖ సుధాకర్ సంగీత, తిరువీర్, కావ్య కళ్యాణ్ రామ్, ప్రధాన పాత్రల్లో రూపుదిద్దుకుంటున్న చిత్రం ‘మసుద’. స్వదర్మ్ ఎంటర్టైన్మెంట్ బ్యానర్ లో వస్తున్న ఈ సైకలాజికల్ త్రిల్లర్ మూవీకి సాయికిరణ్ దర్శకత్వం వహిస్తున్నాడు. కాగా, ఈ సినిమా ట్రైలర్ ను టాలీవుడ్ యంగ్ హీరో విజయ్ దేవరకొండ సోషల్ మీడియాలో పంచుకున్నారు.
ట్రైలర్ చాలా అద్భుతంగా ఉందని చాలా ఆసక్తి రేకెత్తిస్తోందని విజయ్ దేవరకొండ తెలిపారు. ట్రైలర్ ను ఆకట్టుకునేలా రూపొందించారని యావత్ చిత్ర బృందానికి అభినందనలు తెలుపుతున్నానని పేర్కొన్నారు. మసూద యూనిట్ కు తన పూర్తి మద్దతు ఉంటుందని విజయ్ స్పష్టం చేశారు. ముఖ్యంగా నిర్మాత రాహుల్ యాదవ్ నక్క కొత్త కథలు, కొత్త ప్రతిభను ప్రోత్సహించడంలో ముందున్నాడని, ఈ సందర్భంగా ఆయనను అభినందిస్తున్నానని తెలిపారు. ఈ చిత్రం ఘనవిజయం సాధించాలని కోరుకుంటున్నానని పేర్కొన్నారు.
