వరంగల్ కాకతీయ మెడికల్ కళాశాల పీజీ విద్యార్థిని ఆత్మహత్యాయత్నం చేసిన ఘటన రాష్ట్రవ్యాప్తంగా సంచలనం సృష్టించింది. ఈ ఘటనలో ఆమెను వేధింపులకు గురిచేశాడని ఆరోపణలు ఎదుర్కొంటున్న సీనియర్ విద్యార్థి సైఫ్ను పోలీసులు అరెస్టు చేశారు. ఈ క్రమంలో సైఫ్కు మద్దతుగా వైద్య విద్యార్థులు ఎంజీఎం ఆస్పత్రి వద్ద ధర్నాకు దిగారు.
సైఫ్కు మద్దతుగా ఎంజీఎం ప్రధాన గేటు వద్ద పీజీ వైద్య విద్యార్థులు ధర్నాకు దిగారు. ఎంజీఎం సూపరింటెండెంట్ చంద్రశేఖర్కు సమ్మె నోటీసు ఇచ్చారు. సైఫ్కు మద్దతుగా సమ్మెకు దిగుతున్నట్లు తెలిపారు. విద్యార్థుల సమ్మెతో రోగులు ఇబ్బందులు పడుతున్నారు.
మరోవైపు ఈ ఘటనలో నిందితుడిగా ఆరోపణలు ఎదుర్కొంటున్న సైఫ్పై చర్యలు తీసుకోవాలని హైదరాబాద్ కోఠిలోని వైద్య విధాన పరిషత్ కార్యాలయం ముందు ఏబీవీపీ ధర్నాకు దిగింది. కార్యాలయంలోకి వెళ్లేందుకు ఏబీవీపీ కార్యకర్తలు ప్రయత్నించారు. వారిని అడ్డుకున్న పోలీసులు అరెస్టు చేశారు. ప్రీతి ఈ పరిస్థితుల్లో ఉండటానికి కారణమైన సైఫ్ను కఠినంగా శిక్షించాలని డిమాండ్ చేశారు.
