వైసిపి ప్రభుత్వం పై తీవ్ర స్థాయిలో మండిపడ్డారు జనసేన నేత కొనిదెల నాగబాబు. అనంతపురం జిల్లా కలెక్టరేట్ నుంచి తాడిపత్రి వెళ్ళే చెరువుకట్ట పైన ఉన్న రోడ్డును ఆదివారం పరిశీలించారు జనసేన నేత నాగబాబు. ఈ సందర్భంగా ఆయన మాట్లాడుతూ.. నా పర్యటనతో రోడ్డు బాగుపడుతుంది అంటే అదే సంతోషం అన్నారు. రాష్ట్రంలో రోడ్లు ఏ విధంగా ఉన్నాయో ప్రభుత్వ పాలన అలానే ఉందని ఆరోపించారు. జీవో నెంబర్ 1 విషయంలో ప్రభుత్వానికి కోర్టులు మెట్టికాయలు వేశాయని అన్నారు.
ప్రభుత్వ ఆంక్షలతో పాదయాత్రలు ఆగవన్నారు నాగబాబు. పొత్తుల విషయాలని పార్టీ అధ్యక్షుడు చూసుకుంటారని తెలిపారు. గతంలో విశాఖలో పవన్ ని ఇబ్బంది పెట్టారని.. భవిష్యత్తులో ఏమి జరుగుతుందో చూద్దాం అని అన్నారు.
