ఖైరతాబాద్ ఆర్టీఏ ఆఫీసులో హీరో నాగార్జున సందడి చేశారు. తన కొత్త కార్ రిజిస్ట్రేషన్ కోసం ఆర్టీఏ ఆఫీసుకు హీరో నాగార్జున రావడంతో అక్కడంతా సందడి నెలకొంది. తన కొత్త టయోటా లెక్సస్ వెహికిల్ రిజిస్ట్రేషన్ కోసం నాగార్జున వెళ్లి ఫోటోలు దిగినట్లు తెలుస్తోంది. నాగార్జున రాకతో అధికారులు అన్ని ఏర్పాట్లను అరెంజ్ చేశారు. కావాల్సిన డాక్యుమెంట్లలో సంతకాలు తీసుకుని పంపించారు.
ఇక కింగ్ నాగార్జున రాకతో ఖైరతాబాద్ పరిసర ప్రాంతాల్లో భారీగా ట్రాఫిక్ రద్దీ నెలకొంది. అక్కినేని అభిమానులు నాగార్జునను చూసేందుకు భారీగా ఎగబడ్డారు. ట్రాఫిక్ క్లియర్ చేసేందేకు పోలీసులు నానా అవస్థలు పడ్డారు. దీనికి తోడు వాహనదారులు సైతం ట్రాఫిక్ జామ్ ఏర్పడటంతో తీవ్ర ఇబ్బందులు పడ్డారు.
