అమెరికాలో మరో తెలుగు యువతి మృతి చెందింది. అమెరికాలో గత నెల రోజుల్లోనే ఇలాంటి సంఘటనలు చాలానే చూశాం. ఇక తాజాగా అమెరికాలో మరో తెలుగు యువతి మృతి చెందింది. ఈ సంఘటన వివరాలు ఇలా ఉన్నాయి. అమెరికాలోని యూనివర్సిటీ ఆఫ్ సెంట్రల్ ఓక్ల హామాలో ఎంఎస్ చేస్తున్న హారిక(24) అనే యువతి.. నిన్న వర్సిటీ నుంచి స్నేహితులతో కలిసి కారులో వెళ్తుండగా రోడ్డు ప్రమాదం జరిగింది.
ఆమె ప్రయాణిస్తున్న కారు ముందు ఓ బైకర్ కిందపడటంతో డ్రైవర్ సడెన్ బ్రేక్ వేశారు. దీంతో వెనకాల నుంచి వచ్చిన 3 కార్లు హారిక వాహనాన్ని బలంగా ఢీకొట్టాయి. ఈ ప్రమాదంలో ఆమె మరణించగా.. మిగతావారికి గాయాలయ్యాయి.. మృతురాలు గుంటూరు జిల్లా తెనాలికి చెందిన హారిక(24)గా గుర్తించారు. దీంతో తెనాలిలో విషాద ఛాయలు అలుముకున్నాయి.
