కాంగ్రెస్‌ పార్టీ అగ్రనేత రాహుల్ గాంధీ తన తల్లి సోనియా గాంధీకి ఓ క్యూట్ గిఫ్ట్ ఇచ్చారు. ఆ వీడియోను కాస్త తన యూట్యూబ్ ఛానెల్లో షేర్ చేశారు. ఈ వీడియో చూసిన నెటిజన్లు ఫిదా అవుతున్నారు. వావ్.. వాట్ ఏ క్యూట్ గిఫ్ట్ అంటూ కామెంట్లు చేస్తున్నారు. ఇంతకీ రాహుల్.. సోనియాకు ఇచ్చిన ఆ క్యూట్ గిఫ్ట్ ఏంటో తెలుసా..?
రాహుల్ గాంధీ తన తల్లి సోనియాకు ఓ ముద్దులొలికే బుజ్జి కుక్కపిల్లను కానుకగా ఇచ్చారు. గత ఆగస్టు నెలలో గోవాలో పర్యటించిన రాహుల్ ‘జాక్‌ రస్సెల్‌ టెర్రియర్‌’ జాతికి చెందిన ఆడ కుక్కపిల్లను తనతోపాటు దిల్లీకి తీసుకువచ్చారు. కుక్కపిల్లను ఓ అట్టపెట్టెలో పెట్టి సోనియాకు గిఫ్ట్గా అందించారు. ఆ బహుమతిని చూసిన సోనియా ఎంతో సంతోషించారు. కుక్కపిల్లను అమాంతం ఎత్తుకొని, రాహుల్‌ను ప్రేమగా హత్తుకున్నారు. ఈ కుక్కపిల్లకు ‘నూరీ’ అని పేరు పెట్టారు.
గోవాలో సేకరణ మొదలు నూరీని సోనియాకు అందించేవరకు జరిగిన పరిణామాలతో ఓ వీడియో రూపొందించారు. ‘ప్రపంచ జంతు సంక్షేమ దినోత్సవం’ (అక్టోబరు 4) సందర్భంగా ఆ వీడియోను రాహుల్ బుధవారం తన యూట్యూబ్ ఛానల్‌లో షేర్ చేశారు. మరి మీరు ఆ వీడియోను చూసేయండి మరి.
