ప్రధాని నరేంద్ర మోడీ ఈ కొత్త యూనిఫైడ్ పెన్షన్ స్కీమ్ ని ప్రారంభించారు. భారతదేశంలో పెన్షన్ వ్యవస్థలపై పెరుగుతున్న ఆందోళనలను పరిష్కరించడానికి ఈ నిర్ణయాన్ని తీసుకోవడం జరిగింది. గతంలో ఉన్న పెన్షన్ పథకంలో లోపాలను సరి చేస్తూ ఈ విధానాన్ని రూపొందించారు. యుపిఎస్ వెనుక ఉన్న ఉద్దేశం ఏంటంటే.. ఏకీకృత పెన్షన్ విధానం అనేది భారతదేశంలో బలమైన పెన్షన్ వ్యవస్థ కోసం పెరుగుతున్న డిమాండ్లకు రూపొందించిన ప్రతిస్పందన. ఉద్యోగులు నష్టపోకుండా, వారికి ఏ సమస్య లేకుండా చూడడానికి దీన్ని తీసుకొచ్చారు.
పదవీ విరమణ పొందిన ఉద్యోగి గత 12 నెలల సర్వీస్ నుంచి వారి సగటు డ్రా ప్రాథమిక వేతనంలో 50% పెన్షన్‌గా పొందేలా UPS నిర్ధారిస్తుంది. ఇది స్థిరత్వాన్ని అందిస్తుంది. ఈ హామీ మాజీ ప్రధాని అటల్ బిహారీ వాజ్‌పేయిచే స్థాపించబడిన పెన్షన్ సంస్కరణ యొక్క ప్రధాన సూత్రాలను కొట్టిపారేయకుండా ఉండేలా చూసి తీసుకొచ్చారు.
యుపిఎస్ పాత పెన్షన్ స్కీమ్ (OPS)కి పూర్తి విరుద్ధంగా ఉంటుంది. పాత విధానాలు రాష్ట్ర ప్రభుత్వాలపై భారం పడేలా చేశాయి. రాజస్థాన్, ఛత్తీస్‌గఢ్, జార్ఖండ్, పంజాబ్ మరియు హిమాచల్ ప్రదేశ్ వంటి రాష్ట్రాలు, NDA ఇతర నాయకత్వంలో OPSకి తిరిగి వచ్చాయి. ఈ చర్య ఆర్థికంగా బాధ్యతారాహిత్యమని విమర్శించారు. అలాగే జాతీయ పెన్షన్ సిస్టమ్ తో పోలిస్తే పెన్షన్ బాధ్యతలు నాలుగు రెట్లు పెరిగే అవకాశం ఉంది.
మూలధన పెట్టుబడులకు అవసరమైన ఆర్థిక విషయాలను రాష్ట్ర, కేంద్ర ప్రభుత్వాలు నిర్వహించేలా చూసుకుంటూ, ప్రభుత్వ ఉద్యోగుల ఇబ్బందులని పరిష్కరించే వివేకవంతమైన ప్రత్యామ్నాయాన్ని మోడీ ప్రభుత్వ UPS అందిస్తుంది. ప్రాథమిక వేతనంలో ప్రభుత్వ సహకారాన్ని 18.5%కి పెంచడం, ఉద్యోగి కాంట్రిబ్యూషన్‌ను 10% వలన పదవీ విరమణ చేసినవారి భవిష్యత్తును కాపాడుతుంది.
