కాంగ్రెస్ సీనియర్ నేత, మాజీ క్రికెటర్ నవజ్యోత్ సింగ్ సిద్ధూ.. తన ఇంటిపై ఓ అనుమానాస్పద వ్యక్తి కనిపించినట్లు తెలిపారు. పటియాలాలోని తన ఇంటి మేడపై ఓ వ్యక్తి బ్లాంకెట్ కప్పుకుని కనిపించాడని ట్విటర్ వేదికగా వెల్లడించారు. దీనిపై ఆయన ఆందోళన వ్యక్తం చేశారు. ఇలాంటి ఘటనలకు భయపడేది లేదని స్పష్టం చేశారు.
“ఆదివారం సాయంత్రం 7 గంటల ప్రాంతంలో బూడిద రంగు బ్లాంకెట్ను చుట్టుకుని ఓ వ్యక్తి కనిపించాడు. అతడిని గుర్తించిన నా సిబ్బంది వెంటనే అలారం మోగించాడు. మిగతా వారిని అప్రమత్తం చేశాడు. దీంతో ఆ అనుమానాస్పద వ్యక్తి అక్కడి నుంచి పారిపోయాడు. ఘటనపై రాష్ట్ర డీజీపీకి, పటియాలా ఎస్ఎస్పీకి ఫిర్యాదు చేశా” అని సిద్ధు ట్వీట్లో వెల్లడించారు. ఇటువంటి భద్రత లోపాలు.. పంజాబ్ కోసం గొంతెత్తె తన నోటిని కట్టివేయలేవని తెలిపారు.
నవజ్యోత్ సింగ్ సిద్ధూ ఏప్రిల్ 1న విడుదల జైలు నుంచి విడుదలైన విషయం తెలిసిందే. 1988 డిసెంబరు 27న పటియాలలో పార్కింగ్‌ విషయంలో జరిగిన ఘర్షణలో 65 ఏళ్ల గుర్నామ్‌ సింగ్ తీవ్రంగా గాయపడి ప్రాణాలు కోల్పోయాడు. ఈ కేసులో సిద్ధూకు సుప్రీంకోర్టు ఏడాది జైలు శిక్ష విధించింది. గతేడాది మే నుంచి పంజాబ్లోని పటియాలా సెంట్రల్ జైల్లోనే ఉన్న ఆయనకు.. సత్ప్రవర్తన కారణంగా శిక్షా కాలం కాస్త తగ్గడంతో ఏప్రిల్ 1న విడుదలయ్యారు.
