మళయాల సినీ ఇండస్ట్రీకి చెందిన ఓ స్టార్ హీరోతో నటి నిత్యా మీనన్ పెళ్లి జరగనుందనే వార్తలు పలు న్యూస్ వెబ్సైట్లలో, సోషల్ మీడియాలో ఇటీవల చక్కర్లు కొట్టాయి. నెట్టింట ఈ టాపిక్ తెగ వైరల్ అయింది. అయితే తాజాగా ఈ విషయంపై నిత్య స్పందించారు. తన పెళ్లిపై వస్తున్న పుకార్లపై ఓ క్లారిటీ ఇచ్చారు.
“నా పెళ్లి గురించి ఇటీవల వచ్చిన వార్తలో నిజం లేదు. అదంతా కల్పితం” అని నటి నిత్యా మీనన్ స్పష్టం చేశారు. నేరుగా సోషల్మీడియా వేదికగా వివరణ ఇచ్చారు. ఈ మేరకు ఓ వీడియోను పోస్ట్ చేశారు. వివాహం గురించి ప్రస్తుతానికి తనకెలాంటి ఆలోచన, ప్రణాళిక లేవని తెలిపారు. ఎవరో ఓ వ్యక్తి తాను ఊహించుకుని ఓ ఆర్టికల్‌ రాస్తే దాన్ని ఎలాంటి ఆధారాల్లేకుండా అంతా దాన్ని వ్యాప్తి చేశారన్నారు.
ఈ ఏడాది ‘భీమ్లా నాయక్‌’ సినిమాతో తెలుగు ప్రేక్షకుల్ని అలరించిన నిత్య 19(1)(a) అనే సినిమాతో త్వరలోనే సందడి చేయనున్నారు. మరోవైపు, ‘తిరుచిత్రంబళం’ (తమిళం), ‘ఆరామ్‌ తురికల్పన’ (మలయాళం) తదితర చిత్రాలు విడుదలకు సిద్ధమవుతున్నాయి.
