తెలంగాణ మంత్రివర్గంలో చోటు దక్కించుకున్న జూపల్లి కృష్ణరావు మీద సోషల్ మీడియాలో విమర్శలు వెల్లువెత్తుతున్నాయి. అధికారిక పర్యటనల పేరిట విదేశాల్లో జల్సాలు చేస్తున్నారని, ఆయన ఒక్కరే కాకుండా ఆయన బృందం మొత్తం విదేశాల్లో తిరుగుతూ ప్రభుత్వ సొమ్మును ఖర్చు చేస్తున్నారని ప్రతిపక్ష పార్టీ నేతలు ఆరోపిస్తున్నారు.
రాష్ట్రంలో ఎక్సైజ్ శాఖ మంత్రిగా కొనసాగుతున్న జూపల్లికి టూరిజం శాఖతో ఏం సంబంధం అని ప్రశ్నిస్తున్నారు.
తాజాగా జూపల్లి బృందం టూరిజం సదస్సు కోసం లండన్ వెళ్లిన విషయం తెలిసిందే. విదేశాల్లో జల్సాలు చేసేందుకు అధికారిక పర్యటనల పేరిట విదేశాలకు కాంగ్రెస్ ఎమ్మెల్యేలు, మంత్రులు వెళ్తున్నారని, శాఖతో సంబంధంలేని నేతలు సైతం టూరుకి వెళ్లడం ఇదే తొలిసారి అని విమర్శలు చేస్తున్నారు. లండన్లో విందులు, వినోదాలు, లోకల్ బస్సుల్లో షికారు చేస్తూ గాన భజానా వేస్తున్న కాంగ్రెస్ బృందం అంటూ నెట్టింట బీఆర్ఎస్ నేతలు మండిపడుతున్నారు.
