ఒప్పో లో F సిరిస్‌లో భాగంగా.. కొత్త ఫోన్ లాంచ్‌కు రెడీ అవుతోంది..ఒప్పో స్మార్ట్ఫోన్స్లో రెనో సిరీస్కు మంచి డిమాండ్ ఉంది. రెనో సిరీస్ పేరుతో ఎప్పటికప్పుడు కొత్త కొత్త మోడల్స్ను లాంచ్ చేస్తున్న ఒప్పో.. ఒప్పో రెనో 8 సిరీస్ 2022లో లాంచ్ అవ్వగా.. రెనో 9 సిరీస్ ఇటీవలే అంతర్జాతీయ మార్కెట్లో ఎంట్రీ ఇచ్చింది. రెనో 8టీని.. ఎఫ్23 పేరుతో ఇండియాలోకి తీసుకొచ్చేందుకు చూస్తున్నట్టు సమాచారం. ఈ ఫోన్‌కు సంబంధించిన ఆసక్తికర విషయాలు ఇప్పటికే లీక్ అయ్యాయి. లీకుల ఆధారంగా వివరాలు ఇలా ఉన్నాయి..
ప్రముఖ టిప్స్టర్ పరాస్ గుల్గాని ప్రకారం.. రెనో 8టీని.. ఎఫ్23 5జీ పేరుతో ఒప్పో ఇండియాలో లాంచ్ చేయనుంది. ఇందులో స్నాప్డ్రాగన్ 695 ఎస్ఓసీ ఉంటుందని సమాచారం.. 67డబ్ల్యూ ఫాస్ట్ ఛార్జింగ్ సపోర్ట్ సైతం లభిస్తుంది.
స్మార్ట్ఫోన్ డిజైన్కి సంబంధించిన ఫొటోను కూడా లీక్ చేశాడు పరాస్ గుల్గాని. ప్రస్తుతం మార్కెట్లో ఉన్న రెనో 8 సిరీస్ స్మార్ట్ఫోన్స్కు.. దీనికి చాలా వ్యత్యాసం ఉన్నట్టు తెలుస్తోంది.. రెనో 8టీలో సిలిండ్రికల్ కెమెరా మాడ్యూల్ ఉంది. మాడ్యూల్లో రెండు పెద్ద సర్కిల్స్ ఉన్నాయి. ఒకదాంట్లో సింగిల్ కెమెరా, రెండో దాంట్లో డ్యూయల్‌ కెమెరాలు, ఎల్ఈడీ ఫ్లాష్ ఉన్నట్టు తెలుస్తోంది.
ఇక ఒప్పో రెనో 8టీ లేదా ఎఫ్23 ఫ్రెంట్లో కర్వ్డ్ డిస్ప్లే ఉంది. టాప్ కార్నర్లో హోల్- పంచ్ కటౌట్ కనిపిస్తోంది. మొత్తం మీద.. ఈ రెనో 8టీకి ప్రీమియం డిజైన్ ఇచ్చినట్టు కనిపిస్తోంది.. ఇండియాలో ఎఫ్23గా లాంచ్ అయ్యే ఈ ఒప్పో రెనో 8టీకి సంబంధించిన వివరాలను సంస్థ అధికారికంగా ప్రకటించాలేదు.. ధర, లాంచ్ డేట్, ఇతర ఫీచర్స్పై స్పష్టత లేదు. అయితే.. త్వరలోనే ఈ స్మార్ట్ఫోన్ లాంచ్ అవుతుందని స్మార్ట్ఫోన్ మార్కెట్లో పుకార్లు షికార్లు కొడుతున్నాయి.. సెల్ఫీ ఎక్స్‌పర్ట్‌గా పేరుగాంచిన ఒప్పో నుంచి వచ్చే ప్రతీ ఫోన్ యువతను ఆకర్షిస్తుంది. ఇక ఈ ఫోన్ ఎలా ఉంటుందో చూడాలి..!
