మన చుట్టూ ఉన్న సమాజంలో సొంతంగా ఆలోచించే శక్తి లేకపోయినా, ఇతరుల ఐడియాలను కాపీ కొడుతూ తామే గొప్ప మేధావులమని బిల్డప్ ఇచ్చే వ్యక్తులు చాలామంది కనిపిస్తుంటారు. సైకాలజీలో దీనినే ‘డన్నింగ్ క్రుగర్ ఎఫెక్ట్’ అంటారు. తియ్యటి మాటలతో బురిడీ కొట్టిస్తూ, ఎదుటివారి కష్టాన్ని తమ ఖాతాలో వేసుకునే ఇలాంటి వ్యక్తుల వెనుక ఉన్న మానసిక స్థితిని అర్థం చేసుకోవడం చాలా ముఖ్యం. ఇలాంటి మాయగాళ్ల నుండి మిమ్మల్ని మీరు ఎలా కాపాడుకోవాలో ఈ కథనం ద్వారా తెలుసుకోండి.
ఓవర్ కాన్ఫిడెన్స్కు పేరు: ప్రతి విషయంలోనూ తామే తోపులమని ఫీలయ్యే కొందరి ప్రవర్తన వెనుక పెద్ద సైకలాజికల్ డ్రామానే ఉంటుంది. సృజనాత్మకత సున్నా ఉన్నా, మేధావుల్లా న నటించే వీరి నైజం గురించి లోతుగా విశ్లేషిస్తే ఆశ్చర్యకరమైన విషయాలు బయటపడతాయి.
ఏమిటీ డన్నింగ్ క్రుగర్ ఎఫెక్ట్?: ఏ విషయం మీదైతే అసలు అవగాహన ఉండదో, ఆ విషయంలోనే తాము మహా జ్ఞానులమని కొందరు భ్రమపడుతుంటారు. దీనినే సైకాలజీలో ‘డన్నింగ్ క్రుగర్ ఎఫెక్ట్’ అంటారు. వీరికి తమ అజ్ఞానం ఏంటో కూడా తెలియదు. అందుకే పక్కవాడు కష్టపడి తయారుచేసిన ప్లాన్లను లేదా ఐడియాలను దొంగిలించి, అవి తమవే అన్నంత కాన్ఫిడెన్స్తో అందరినీ నమ్మిస్తుంటారు.
తియ్యటి మాటల వల: ఇలాంటి వ్యక్తులు అవతలి వారిని బుట్టలో వేసుకోవడానికి ‘లవ్ బాంబింగ్’ అనే ట్రిక్ ఉపయోగిస్తారు. “నీ అంత గొప్పవాడు లేడు”, “నీ ఐడియాలు అద్భుతం” అంటూ ఆకాశానికి ఎత్తేస్తారు. మీ అహాన్ని తృప్తి పరుస్తూనే మీ దగ్గర ఉన్న విలువైన సమాచారాన్ని లాగేస్తారు. ఇక తీరా పని అయిపోయిన తర్వాత మిమ్మల్ని గుర్తించడానికి కూడా ఇష్టపడరు సదురు ‘బిల్డప్’ బాబులు.
కాపీ కొట్టడమే వీరి విద్య: వీరికి సొంతంగా ఒక అడుగు ముందుకు వేసే ధైర్యం ఉండదు. ఎప్పుడూ ఎవరో ఒకరి నీడలో బతకడమే వీరి పని. విశ్లేషణాత్మక ఆలోచనలు లేకపోవడం వల్ల, ఇతరులు వేసిన మార్గంలో నడుస్తూ అది తామే కనిపెట్టామని కలరింగ్ ఇస్తుంటారు. ఇక నిజానికి వీరి లోపల తీవ్రమైన ఆత్మన్యూనత భావం ఉంటుంది. దానిని దాచుకోవడానికే ఈ అతి తెలివి ప్రదర్శిస్తుంటారు.
వీరిని గుర్తించడం ఎలా?: ఒక వ్యక్తి తియ్యగా మాట్లాడుతున్నాడంటే వాడు శ్రేయోభిలాషి అని నమ్మేయకూడదు. మీ ఐడియాలను పంచుకునే ముందు అవతలి వ్యక్తి నైజం గమనించాలి. నిజమైన మేధావి ఎప్పుడూ వినయంగా ఉంటాడు, నేర్చుకోవడానికి ప్రయత్నిస్తాడు. కానీ ఈ గాలి బుడగలు మాత్రం అన్నీ తమకే తెలుసని, ఇతరుల కష్టాన్ని దోచుకోవాలని చూస్తుంటారు.
నిజమైన తెలివితేటలు ఉన్న వ్యక్తి ఎప్పుడూ ఒంటరిగానైనా పోరాడి గెలుస్తాడు. ఇతరుల ఐడియాలను కాపీ కొట్టి ఎదిగే వారు ఎప్పటికీ స్వతంత్రంగా ఎదగలేరు.
గమనిక: మీ చుట్టూ ఉన్న వ్యక్తుల ప్రవర్తనను గమనించి అప్రమత్తంగా ఉండటం మీ మానసిక ప్రశాంతతకు మంచిది. ఇతరుల మీద అతిగా ఆధారపడకుండా మీ శక్తిని నమ్ముకోండి.
