తెలంగాణ రాజకీయాల్లో ఎప్పుడు ఎలాంటి ట్విస్ట్ చోటు చేసుకుంటుందో అర్ధం కాకుండా ఉంటుంది…ఇప్పటికే మూడు పార్టీల మధ్య హోరాహోరీ పోరు నడుస్తోంది…టీఆర్ఎస్-బీజేపీ-కాంగ్రెస్ పార్టీల మధ్య ట్రైయాంగిల్ ఫైట్ జరుగుతుంది. ఇక ఎవరికి వారు పైచేయి సాధించే క్రమంలో రోజుకో ట్విస్ట్ తెరపైకి వస్తుంది…ఇదే క్రమంలో తాజాగా తెలంగాణ రాజకీయాల్లో ఊహించని ట్విస్ట్ వచ్చింది…వచ్చే ఎన్నికల్లో గజ్వేల్ లో పోటీ చేస్తానని బీజేపీ ఎమ్మెల్యే ఈటల రాజేందర్ ప్రకటించారు. ఇప్పటికే గజ్వేల్ లో పోటీ చేస్తున్న విషయం బీజేపీ అధిష్టానానికి కూడా చెప్పానని ఈటల అంటున్నారు.
బీజేపీలోకి వచ్చాక ఈటల…కేసీఆర్ టార్గెట్ గా రాజకీయ వ్యూహాలు పన్నుతూ ముందుకెళుతున్నారు. ఇదే క్రమంలో బీజేపీ చేరికల కమిటీ కన్వీనర్ అయ్యారు. అలాగే విజయ్ సంకల్ప్ సభ తర్వాత ఈటల మరింత దూకుడు పెంచారు..పైగా అంతకముందు అమిత్ షాతో భేటీ అయ్యి కూడా వచ్చారు. మరి ఆ భేటీలో ఏం మాట్లాడుకున్నారో తెలియదు గాని…ఇప్పుడు బీజేపీలో ఈటల దూకుడు పెంచారు..ఏకంగా ఇప్పుడు కేసీఆర్ పైనే పోటీకి దిగుతానని అంటున్నారు. పైగా బీజేపీ అధిష్టానానికి కూడా చెప్పానని అంటున్నారు.
