రెబల్ స్టార్ ప్రభాస్ గురించి మనం ప్రత్యేకంగా చెప్పనవసరం లేదు. ఇండస్ట్రీలోకి ఇష్టం లేకపోయినా అడుగుపెట్టిన ఆయన ప్రస్తుతం పాన్ ఇండియా హీరోగా గుర్తింపు తెచ్చుకున్నారు. బాహుబలి సినిమాతో ప్రభాస్ వెనుతిరిగి చూసుకోలేదు అని చెప్పవచ్చు. ఇక ఆయన ఎంచుకునే ప్రతి సినిమా కథ కూడా పాన్ ఇండియా సినిమా అయి ఉండడం అందరిని ఆశ్చర్యానికి గురిచేస్తుంది. ఇక అందుకే ఆయన అన్నీ పాన్ ఇండియా సినిమాలు చేస్తూనే హాలీవుడ్ రేంజ్ లో అభిమానులను సొంతం చేసుకున్నారు. ఇకపోతే మొన్నటి వరకు పెదనాన్న అండతో సినిమాలలో వరుస సక్సెస్ లను అందుకుంటూ దూసుకుపోయిన ప్రభాస్ ఇటీవల ఒక్కసారిగా వంశవృక్షాన్ని కోల్పోయి అనాధగా మిగిలిపోయారని చెప్పవచ్చు.
ప్రముఖ రెబల్ స్టార్ హీరో కృష్ణంరాజు గుండెపోటుతో ఏఐజి హాస్పిటల్ లో చికిత్స పొందుతూ సెప్టెంబర్ 11 తెల్లవారుజామున 3:25 గంటల సమయంలో తుది శ్వాస విడిచారు. ఇక కృష్ణంరాజు మరణంతో ప్రభాస్ ను ఎవరు ఓదార్చలేకపోయారు. ఇంతటి బాధలో మునిగితేలుతున్న ప్రభాస్ కి ఒక అరుదైన గౌరవం దక్కింది. ఇక ఇదే విషయాన్ని కృష్ణంరాజు గనుక బ్రతికి ఉండి ఉన్నప్పుడు తెలిసి ఉంటే ఆయన ఎంతో సంతోషించేవారు అని అభిమానులు తెగ అభిప్రాయాలను వ్యక్తపరుస్తున్నారు.. ఆ అరుదైన గౌరవం ఏమిటి అంటే దసరా ఉత్సవాల్లో భాగంగా ఢిల్లీ రామ్ లీలా మైదానంలో జరిగే రావణాసుర దహన కార్యక్రమానికి నిర్వాహకులు ప్రభాస్ ను ముఖ్యఅతిథిగా ఆహ్వానిస్తున్నారు.
రావణ దహనం చేసేందుకు ఆది పురుష్ లో రాముడిగా కనిపించే యంగ్ రెబెల్ స్టార్ ను మించిన అతిథి మరొకరు ఉండరని వారు భావిస్తున్నారు. అయితే జీవితంలో పెద్దదిక్కు అయిన పెదనాన్నను కోల్పోయిన బాధలో ఉన్న ప్రభాస్ ఈ కార్యక్రమానికి వెళ్తారా? లేదా? అనేది తెలియాల్సి ఉంది. మరి ప్రభాస్ ఎటువంటి నిర్ణయం తీసుకుంటారో చూద్దాం.
