అట్లుండది మనతోనే.. అన్నట్లుగా.. ఏకంగా.. రాయల్ బెంగాల్ టైగర్ కే హీరో ‘ప్రభాస్’ పెట్టడం జరిగింది. మాములుగా.. మేము పులులు.. సింహాలు అంటూ డైలాగులు వింటూనే ఉంటాం అయితే.. ఇక్కడ వెరైటీ గా. పులికి డార్లింగ్ ప్రభాస్ పేరు పెట్టడం.. ప్రభాస్ రేంజ్ ను చూపిస్తోంది. బాహుబలి తర్వాత ప్రభాస్ క్రేజ్ టాలీవుడ్ సరిహద్దులు దాటి, ఖండాంతరాలకు పాకింది. ప్రస్తుతం ప్రభాస్ ఏ సినిమాలో నటించినా అది పాన్ ఇండియా సినిమా అవుతోంది. కాగా, ప్రభాస్ క్రేజ్ కు నిదర్శనంగా ఈ అంశాన్ని చెప్పుకోవచ్చు. హైదరాబాద్ లోని నెహ్రూ జూలాజికల్ పార్క్ లో ఓ పులికి ప్రభాస్ పేరు పెట్టడం విశేషం.
అది ఒక రాయల్ బెంగాల్ టైగర్. దాన్ని రచనా చౌదరి అనే మహిళ దత్తత తీసుకున్నారు. కాగా, ఆ పులికి హైదరాబాద్ జూలో ప్రత్యేకంగా ఎన్ క్లోజర్ ఏర్పాటు చేసిన అధికారులు దాని వివరాలతో బోర్డు పెట్టారు. రాయల్ బెంగాల్ టైగర్ అని రాసి బ్రాకెట్లో ‘ప్రభాస్’ అని పేర్కొన్నారు. దీనికి సంబంధించిన ఫొటోలు సామాజిక మాధ్యమాల్లో వైరల్ అవుతున్నాయి. దటీజ్ ప్రభాస్ అంటూ యంగ్ రెబల్ స్టార్ అభిమానులు సంతోషం వ్యక్తం చేస్తున్నారు. కాగా ఈ రాయల్ బెంగాల్ టైగర్ హైదరాబాద్ జూలో సందర్శకులకు ప్రధాన ఆకర్షణగా నిలుస్తోంది.
