Breaking : తెలంగాణ ఆర్టీసీ ఎండీ సజ్జనార్ కు ఘోర ప్రమాదం తప్పింది. ఆర్టీసీ ఎండీ సజ్జనార్ కారు ఆటోను ఢీకొట్టిన ఘటన పెద్దపల్లి లో చోటు చేసుకుంది. పాలకుర్తి మండలం ధర్మారం క్రాస్‌ రోడ్డు వద్ద రాత్రిపూట ఈ ఘటన జరిగింది.
దీంతో ఆటోల ప్రయాణిస్తున్న నలుగురు గాయపడగా, ఆర్టీసీ ఎండీ సజ్జనార్ కు స్పల్ప గాయాలు అయ్యాయి. ఆర్టీసీ ఎండీ సజ్జనార్… మహారాష్ట్రకు వెళుతుండగా.. ధర్మారం క్రాస్‌ రోడ్‌ వద్ద ఆ ప్రమాదం జరిగింది. ఇక ఈ ప్రమాదంలో గాయపడ్డ వారిని ఆస్పత్రికి తరలించారు. అటు ఆర్టీసీ ఎండీ సజ్జనార్ కుడి చేతి వేలుకు గాయమైంది. ప్రస్తుతం ఆయన పరిస్థితి బాగానే ఉంది. దీనిపై ఇంకా వివరాలు తెలియాల్సి ఉంది.
