సింగర్, కంపోజర్ స్మిత సోనీలివ్ వేదికగా నిజం విత్ స్మిత్ అనే టాక్ షో చేస్తున్న విషయం తెలిసిందే. ఇప్పటికే ఈ షోకు సంబంధించి రెండు ఎపిసోడ్లు రిలీజ్ అయ్యాయి. చంద్రబాబు నాయుడు, రానా, నాని ఈ షోలో సందడి చేశారు. తాజాగా ఈ కార్యక్రమానికి నేచురల్ బ్యూటీ సాయిపల్లవి గెస్టుగా వచ్చింది. ఈ క్రమంలో స్మిత సాయిపల్లవిని మీటూ ఉద్యమం గురించి ప్రశ్నించగా ఈ బ్యూటీ ఆసక్తికర వ్యాఖ్యలు చేసింది.
చేతలతోనే కాదు మాటలతో ఎదుటివ్యక్తికి ఇబ్బంది కలిగించేలా చేసినా అది వేధింపులతో సమానమే అంటూ సాయిపల్లవి మీటూ ఉద్యమంపై ఆసక్తికర వ్యాఖ్యలు చేసింది. ఈ టాక్ షోలో పాల్గొని.. తన కెరీర్‌, తగిలిన ఎదురుదెబ్బలు ఇలా ఎన్నో విషయాలను పంచుకుంది. దీనికి సంబంధించిన ఓ ప్రోమో తాజాగా విడుదలైంది. ‘‘ఎన్టీఆర్‌, అల్లు అర్జున్‌, రామ్‌చరణ్‌.. ఈ ముగ్గురిలో ఎవరితో డ్యాన్స్‌ చేయాలని అనుకుంటున్నావు?’’ అని స్మిత ప్రశ్నించగా.. ‘‘ఆ ముగ్గురూ నాతో ఒక పాట చేస్తే బాగుంటుంది’’ అంటూ సాయిపల్లవి నవ్వుతూ బదులిచ్చింది. ప్రస్తుతం ఈ ప్రోమో బాగా వైరల్ అవుతోంది.
