సైబరాబాద్ లో క్రికెట్ బెట్టింగ్ ముఠా అరెస్ట్ అయింది. ఎనిమిది మంది సభ్యుల ముఠాను పట్టుకున్న బాలానగర్ ఎస్ఓటీ పోలీసులు 22 లక్షలకు పైగా నగదు స్వాధీనం చేసుకున్నారు అయితే మరో 9 మంది పరారీలో ఉన్నారు. ఈ కేసుకు సంబంధించి చందూర్ శశాంక్ అనే ప్రధాన బూకీని అరెస్టు చేశామని సజ్జనార్ తెలిపారు. ఇతనితో పాటు మరో ఏడుగురు ఫంటర్స్ ను అరెస్టు చేశామన్న ఆయన భర్కత్ అనే ప్రధాన బుకీ పరారీలో ఉన్నాడని అన్నారు.
మొబైల్ ఫోన్ లోనే ఈ బెట్టింగ్ నిర్వహిస్తున్నాడని అన్నారు. ఐపీఎల్ ధోని, కోహ్లీలు ఆడే ప్రతి బాల్ ను బెట్టింగ్ చేస్తుంటారని అన్నారు. మొదటి సారిగా 50 వేలు కట్టాల్సి ఉంటుందని ,యువత ఎక్కువగా ఈ బెట్టింగ్ లు ఆడుతున్నాని అన్నారు. పేరెంట్స్ యువకులు పై దృష్టి ఉంచాలని, బెట్ 365, డ్రీం 11, ఎంపీఎల్, బెట్ వే, డ్రీంగురు, మై 11 సర్కిల్, బెట్ 365, కోరల్, బివిన్, 777 బెట్, డెఫాబెట్ , విన్నర్, క్రికెట్ బెట్టింగ్ 2020, జస్ట్ బెట్, బెట్‌ఫ్రడ్‌, లోటస్ క్రికెట్ లైన్ తదితర మొబైల్ యాప్ ల లో వచ్చే రేటింగ్ లు ద్వారా బెట్టింగ్ లు చేస్తున్నారు అని అన్నారు. ఎవరికైనా బెట్టింగ్ లకు సంబంధించిన సమాచారం తెలిస్తే 9490617444 నెంబర్ కు కాల్ చేయండని సజ్జనార్ పేర్కొన్నారు.
